M’lung pyan tham vai among
Báwi a ng’htà zop lah, èi a èi tu vai-ah, Pharisee tumat nawh be tu hleih Báwi cuh lut neh ngo tu ci. Pharisee nawh,“Ei kä ei pha-ung, a i-ah kia hleih kä m’si ci mä,” ci neh a m’lung-’kiong-ah lèng neh ng’ngaih-tüh ci. Báwi nawh ani-àm a piéin cuh, “Nangmi pharisee gùi nawh m’zák ni, dàwn ni cuh, a k’pung-ah nami ghut ci. Nami m’lung-’kiàwng läí-ah, guh nák, ’kalunák gùi-awn bé ci. K’Chàng k’sé gùi-aw, a k’pùng-ah om ci, tüi-piàng ci nawh a ’kiong-a kah phih kä tüi-piàng ci-ang? Cun tu pang-a phih, dú-dàwng ci gùi-àm, peta tu gùi vä. A cun-ung vah, nangmí kavai avan htí-théing khai. Nami dí lo khai néi, Pharisee gùi-aw. A i-ah kia hleih ci-ung, nangmi, htüng-gük, k’thui ãn gùi cuh, ghà-ah k’bum-ung, ng’bum ät peta láng u neh m’cha m’langnák lah, Khãnpù-ghí m’hninák cuh, nami nòng ghüt ci. A cun gùi cun phih, nami ci vai. Mà neh piéin gùi cun phih, kä nami nawng èin vai. Nami dí lo khai néi. Pharisee gùi-aw, a i-ah kia hleih ci-ung, cã-gat gùi-ung, mà neh ngohnák ni, zoih-tuknák zung-ah, ami ning chü béit gùi nami zùm ci. Nami dí lo khai néi. A i-ah kia hleih ci-ung, m’cim-hngün vai hlü-ah, a ’khãn-ah hteit ci gùi nawh kä mi hmat-èin vai-ah, nami kia ci.
“Khanpughi cuh k’chang gui ah m’lung vah teng ci.” ci neh ng’thu k’phyüm yah ge ung om ca kya ci. Mikmi k’chang gui cuh k’chang a müi-hmai vah mi teng nak da tu ba ci. Bawi noh pyein neh a k’pung ga tah a k’kyong vah m’htei vai, pyein vai hlü ci ci neh pyein ci.
