Bä ciah Callistus ah ghünlu a mòng
Bä ciahcallistus cu Roma Mânggo ung k’tüi ne a ni cu phan k’chang tumat a kya ki. A ni ah Boi ah ngoi gui a maih ah phäh ah a kya ah kyü ne ta Roma Mânggo ung ka no dong ciah kya ci. A cun ah dong tu lang pang hlei phih a ni cu pha ba u ne Sadinian htatuh twin ung a tha ah kya ci. A cun yah ung mâng ciah Eikariet shangpughang ah ng’hui nak awn a mi pha nak ung ka no a ni cu a mi m’hlot ba ah kya ci. Christu kum 199 ung Papa Shangpughang Zephyrinus ah kut ung Deacon kya lo tu ne Abian lam nu lai a khan ah om ca Christian ng’cinhngün a m’htei ne om ci. Bä ca Caliatus ah m’dek kaa m’cinhngün a mi ci ung Papa Shangpughang gui a mi k’phuh nak ah ng’lei ah kia lo ne a cun cu yumtu ng’bum ah maapik’bäih ne k’khaw m’dek ah kya lo ci.
Eikaret Shangpughang Julian cu a yum lam k’khäi ne ng’zo khaw m’shümchuk ci gui ah Taigü gui am a pyein cu “ Christian gui cu k’chang gui ah k’khan ah nga mi ah m’hngi nak a mi dang hnging lah k’chang a shi lo ung a mi gok a k’ni ah a mi k’phuh peit gui ah phäh ah a mi ng’ming thang ci” ci ne pyein ci.Christu kum (217) ung Papa Shangpughang ah kya lo khai ah ghü u hleih khaw k’yo yum ghong gui m’chüt ne Khanpughü ah mong lam bi ciah kya ci. A ni cu k’chang ah chu cei plet nak, k’chang ah hngun ngon sheh nak lah a hmün kat nak gui k’pyion vai ci cu leng ne bi ca kya ci. Christu kum phya m’ku lah m’kuleigoi (222) cang lam ung a hngun pe ca kya ci. A ni cu m’cimhngün ngäng m’htei ca k’chang gui ghung m’htei gui ca bä ciah k’chang tumat ah kya ci.
Mi k’mi Christian k’changui gui ah phäh ah shi pi ki gui ah ng’mü m’cha gui Khanmopi ah a mi gok vai ah k’taigü nak awn mi gunghtot gui vai hlü ki. Cun ah kya hleih bä ca Callistus ah hlo ah shi pi ci gui ka vai ah mi bi hnging awn, a k’tung pi ah ng’tai gü nak awn ng’mü m’cha gui khanmopi ah a mi gok tu hning vai mi gunghtot tu gui ko.
