Papa Shangpughang ah ng’thu

Papa Shangpughang Leo no Boi Yesu Christu ah m’hngi nak lah pyam ci gui gunhtot ne m’htei m’hta vai ah Boi Yesu no a na chü nak gui a ng’shün ng’phan cu Christian k’chang gui a van no a mi m’htei m’hta lo vai ci ne pyein ci. Papa shangpughang no maapi k’bäih ne a pyein nak ung  Dilexi te ci ah  Boi Yesu ah hlüläk k’chang ah kya nak ung  yaica buiawt nak  lah pyam ci gui ung Boi Yesu om ci ci cu hmat vai ci ah ng’thu cu guk ne dang ciah kya ci. A ni no a pyein nak ung duyai k’chang gui ka vai ah m’hngi nak awn k’chang ah kya nak ci tu ciah Boi Yesu ah m’hngi nak, goi pyam ci gui m’htei m’hta nak k’chang gui kä chin hleih täkphan gui kä om ein khai ah bi nak, a mi nong düt gui lah a mi k’yo k’kaa nak gui ah k’hngumi hta gui gghung m’htei nak, a van no hnguh hmat nak gui a ng’thei ng’thang vai ah ci nak, a kho hei ah ng’plon ne om ci gui am lah peitak nak ung ng’khai nak lah kä m’cha ng’lang ein ne a van ka vai a täng ah bi loh nak gui a om vai ci ne m’thei m’cäi ciah kya ci.

Ng’müi m’cha lam lah om k’ih lah thung man lam ung du yai nak gui cu pyein ne biloh tu nak vai a í kä gah tu ci gui, a mi bi loh vai kä om ci gui lah a mi mät ah ng’yak hlü ah hlo ah a í kä bi lo tu hnging ci gui ah k’chang ah phäh ah taga nak kä om ci ci cun phih pyein ciah kya ci. Cun tu pang ah phih hlumlei k’chang gui a mi mang yah ah tuhchü ung htei nak vai ah lam cu a ng’shäi om ba ciah kya ci. Pyam ci gui lah ng’büh ng’mang ci gui a kya ah a ng’cha nak ung  ng’’büh ci gui k’chang a pi ah khoh tang gui daa lo pi hti ciah kya ci ci ah a mong gui cun phih a guk ah kya ci.

Source: Vatican News