Papa Shangpughang ah ng’thu

Boi Jesu no a k’hngüp nak pi k’bäih ung ka no na k’pyhon gui ci. Boi Yesu cu Holy Saturday ci ah Yaica nak gui a buiawt kon ah shi ne kä ghün lo ba pha ung k’kaa kho ah a gok cu mimi gui ah phäh ah Khanpughi ah thuuk ciah m’hngi nak ah kya ci ci cu Papa Shangpughang no pyein ci. Shih nak ci ah k’chü ng’lung cu a k’hngu pi ah ng’chü ng’lung ah kä kya ci. Boi Yesu no mimi gui ah phäh ah a shih bang ah kä kya hleih mi mi gui a lam hei ah htei ne mi maih yah ung phih na shui ba gui ne a k’khang nak ung na m’om gui ci. A cun ah k’kaa kho cu hngun ng’pyi ne nat nak, ng’khaih nak, kat nak awn om nak, Khanpughi awn a kya ah a hlat nak ah kä kya ci. Cun kon ah Boi Yesu ah ng’shon cu a caä bäng ah kä kya hleih a tuhchü phih a ng’shün ah om ci ci cu phih a k’tungpi ah m’dang ne pyein ciah kya ci. Khanpughi no k’chang gui cu a k’hngüp nak ung ka no a k’khang nak ah chü ba ne hngip hngäi hta ne kä pyi ein hnging ciah m’hngi nak awn chü ba gui ci.

A cun ah kya hleih Boi Yesu cu Htitheing ciah a k’hngüp k’chüih nak ah kya ciah Holiy Saturday ung Khanmopi ung ka no kho m’dek ung thuuk ciah lo ne om lo tu ciah k’hngüp ah kya ci ci ne pyein ci.