Bä ciah Sergius ah ghünlu a mòng
K’hngi lo ghunkho lah k’hngi kyak ghunkho ung om ciah bä ciah k’chang gui ah ng’ming mong goi a om cu Romah lah Constantine ah a ning lak a caä a ning ng’tai man cu shüm ba vai ah kya ci. Sergius cu Rasia Odthodox yumtu ng’bum ung a kya ah a ng’ming thang ciah Bä ciah k’chang tumat ah kya ci. A ni cu maa ne a ni ah k’kyong khui k’om gui awn a täng ah Mosco a pei ah om ciah Rdonazh Mânggo ung om man te ci gui ah kya ci. Ghunkho ng’tukah nak no ngami ah hlüngtai nak gui lah khotang a mi ng’büh nak gui ung ka no a m’du yai ca hlak gui ah kya ci. Ngami am lai bi ne a mi ghinlu ung a mi ei ok vai ah a mi ling nak gui ah kya ci. A nu pa k’tu a mi shih kon ah Sergius lah a na Stephen cu Christian Yahteih ng’htoi un glut tu ni ne Yahteih ah kya lo tu ci goi ah kya ci.
Ngani cu bunghngu nu ah om ni ne shihla lam ung ka no ng’phep ne bunghngu k’om k’phuuk k’kha chihla gui ah m’küih m’kyok na gui m’chüt ne a ni ghünlu ung om ci goi ah kya ci. Shing k’thum Khanpughi tumat ah ng’ming awn a mi coh ah dí ne k’pyhüm lo ciah Yahteih kyawng a k’pyhüm cu a ni pyantham nak ba ung k’chang hei gui no phih lo ne a mi gung htot tu goi ah kya ci. Yahteih kyawng ung a ni om nak ah ghünlu cu a kya ah ghat ghum ciah kya ci. Sergius cu ghunkho mong lam ung ng’hton ne bi hti ciah kya ci. A ni ung a kya ah nga ne thuuk ciah hnguh hmat nak om ne a mät düm hta ah om ne k’taigü cu yum ciah kya ci. ghunkho mong lam ung bi tu hlü pang lang ne phih Yahteih kyawng ung k’taigü ne om ah ghünlu ung om khai ah a m’lung a phukpit ah kya ci.
