Bä ca Lukca ah ghinlu a mong
Sayavon gui lah Pagyi saya gui ghung m’htei ca bä ca Lukca cu Antioch Maanggo ung Saya tumat ah kya ki. A ghinlu a ng’thonghlah lo kon ah bä ca Polu awn Troas ung ng’hngu tu ni ne Greece ghunkhaw lah Roma maanggo ung Khanpughü ah a mong lam k’toi ne a ng’päng ah chüt hleih bi ki goi ah k’ca kya ki. Bä ca Polu thongkhui kiawng ah a om yah ung Lukca bäng va kei awn a täng ah om ci ci ne (1Timothy 4:11) ung guk ca kya ki. Luca cu bä ca Polu cang lam ah phäh ah a hngun a peit kon ah Greece ghunkhaw ah om ne a k’thum nak k’thu thai lah Atus cu gu ki. hnguh hmat k’chang ah a kia a hlo ah k’thu k’ni a k’ni hta k’khäm ne k’khei ci gui noh a k’ni ah mi hmat hnging vai guthen ca kya ki. A ni cu Khantapup noh Nu Maria am ng’shä a tüih lah Nu Maria a paihta Elizabeth ah theit ne a om tu among a guk cu ng’shing ca ng’thuk’ni tumat ah kia k’ki. Ng’thu k’thai a k’thum nak ung a guk cu Khanpughü ah m’hngi nak lah k’chü m’gen nak a k’tung ah ng’dang khai ah guk ca kya ki. Maih ca htome gui, nik ca Samaritan k’chang, khoh tang gui a kholä ah m’di m’dam ca hta k’pa tumat, kä ng’theih ca k’thei, a k’she lam ah a k’ming thang ca kat chang tumat am Boi Yesu noh k’pyion nak a peit gui cu a k’ni hta ah ng’shing khai ah gu then ca Boi ah hlüläk chang tumat ah phih kya ki.
Atus a guk nak ung cu a htük pi bäih ah yumtuk’bum ah ngoi ä hnguh shüm lä vai gui a mong cu guk ca kia k’ki. Pagyi saya kia ne bä ca Luke cu Nu Maria lah Boi Yesu ah sintuh mapibäih ne pyang ca chang tumat ah phih kya ki. A ni cu a khokum (84) ung shi hleih a ni ah üm na ne shüm vai gui ah ng’kho cu Constantinoble Boi Yesu ah hluläk gui ah ng’bum imu ng tha ne üm nak ki gui ah kya ki.
Bä ca Lukca ah hlo ah mi ghinlu pum Nu Maria yei na ne u pa ne, Khnpughü ah a mong thähla nak ung m’hteng ne ng’mü m’cha lam lah kiä lam ah a k’ni ah mi peit tak hnging vai ah mi k’tha na ko.
