Bä ca Callistus ah ghinlu a mong October (14)

Bä callistus cu Roma Maanggo ung k’tüi ne a ni cu phan k’chang tumat a kya ki.  Christu kum phya lah kokipleik’ko ung Papa Shangpughang Zephyrinus ah kut ung Deacon kya lo tu ne Abian lam nu lai a khan ah om ca Christian ng’cinhngün a m’htei ne om ci. Bä ca Caliatus ah m’dek kaa m’cinhngün a mi ci ung Papa Shangpughang gui a mi k’phuh nak ah ng’lei ah kia lo ne a cun cu yumtuk’bum ah maapik’bäih ne k’khaw m’dek ah kya lo ki.

Christu kum phya m’ku lah ghaleik’’chüihi (217) ung Papa Shangpughang ah kya lo khai ah ghü u hleih khaw k’yo yum ghong gui m’chüt ne Khanpughü ah mong lam bi ki. A ni cu k’chang ah chu cei plet nak, k’chang ah hngun ngon sheh nak lah a hmün kat nak gui k’pyion vai ci cu leng ne bi ca kya ki. Christu kum phya m’ku lah m’kuleigoi (222) cang lam ung a hngun pe ca kya ki. A ni cu. m’cinhngün ngäng m’htei ca k’chang gui ghung m’htei gui ca bä ca k’chang tumat ah kya ki.

Mi k’mi Christian k’changui gui ah phäh ah shi pi ki gui ah ng’mü m’cha gui Khanmopi ah a mi gok vai ah k’taigü nak awn mi gunghtot  gui vai hlü ki. Cun ah kya hleih bä ca Callistus ah hlo ah shi pi ki gui ka vai ah mi bi hnging awn, a k’tung pi ah ng’tai gü nak awn ng’mü m’cha gui khanmopi ah a mi gok tu hning vai mi gunghtot tu gui ko.

Reference: Life of Saints (Written by Seminarians (Pyin Oo Lwin)