Catholic Pa tumat Pakistan a ami ngon among

Pakistan ung om ca Nu Maria m’hlümtai nak ung ami hteit yah ung a k’hmo phli lo ca Catholic Pa tumat ami ngon lah a kho kum 16 lo khai tumat leim ci cuh Muselim a k’da om ca Pakistan ung kya ci. A ming cuh Afzal Masih ah kya ci. A ni cuh yum nak khäng ca Catholic pa tumat a kya ci. Ani a phäh a kami thüi ca kya ci. Nu Maria m’hlüm tai nak bi vai neh ami hteit yah ung ngon khai gui cuh Motor ng’cum neh lo u neh tah ami ngon a kya ci. Marian Shrine a kä mi gok pha ung ami ng’düm yah ung a hngü-gon yah a ami kah a kya ci lah a duu hta a kho kum 16 lo ci cuh leim ci ami ci. Seiyung im ah ami dawng püi teh a mi gok on a shi ci ami ci. Ngon ci ah k’chang ami ng’shi te, ka ngon vai kä bü te nei ” ci neh pyein ci ami ci. A k’ni ah ami bi loh vai lah cang nak lam ung ami bi vai Christian gui noh ng’yak hlü ci gui. Mary poi cuh September 5-8 chüt bi u neh Catholic 500000 lo neh Nu Maria on ng’taigü ät ci gui. A cun ung Muslim gui lah Hindu gui phih lo tu ci gui a kya ci.