Tolelntino Mânggo ung ka Bäciah Nicholas ah ghünlu a mong

Bä ciah k’chang gui ung Nicholas ng’ming nak ciah bä ciah k’chang gui cu k’chang shing 40 lo ciah kya ci. A cun ah Nicholas ng’ming nak ciah Tolelntino Mânggo ung ka Bäciah Nicholas cu Christu kum.. ung ng’tüi ciah kya ci. A ni cu a k’hmo kä gah hnging ne shing ciah k’hngumi tumat no be ciah yum nak awn a kya ah k’taigü hleih Khanpughi no a cun ah k’hngumi ah k’taigü ng’ngaih peit ne a peit ah k’chang tumat ah kya ci. Nicholas las ah ghünlu a m’cot ung a bü ceng nak kä om ein hleih a bü bü ah hteit ghüi ghüi ne a ghunlu ng’shung hei khai ah pyantham k’ngak’phang tu pe khai a u kä om hleih kya man ciah kya ci. Kho k’hngüp ä tung k’o tumat a ng’yak kon ah vah a ni ah m’lung cu dímgei hleih om hlot ciah kya ci. A cun ah k’o cu “Tolentino ung hteit ne a cun ung khäng htek hleih k’tha na ne na om vai ci ah k’o cu a ng’yak ah kya ci. A cun ung ka no a ni cu Augustine Yahteih ng’htoi un glut tu ne a cun ung kho kum 30 peng peng Khanpughi ah mong lam thähla ne läklam gui awn a k’ni ah k’taigü ne om ciah kya ci.

Italy Khaw ah a gok yah ung a cun ung om ciah Mânggo cu a kya ah dídam ne a í phih a ng’shung hei ah kä kya ciah kya ci. A mi oml’ih gui, a mi läk lam gui phih a van dí ne yum nak gui phih a van ng’cha ng’tai ciah yum ghong gui ah phäh ah a í phih kä ng’shung hei ba ciah kya hleih hnguh ci. A cun ah kya hleih Nicholas no k’chang gui a k’daa a mi ng’bum nak ka lam k’tung lam ng’kya gui ung htei ne Khanpughi ah  mong lam gui thähla m’thei m’thang gui ne, yumtu ng’bum ah k’pung ah ka gui am hlü ci gui ung gunhtot gui ne bi bi ciah kya ci. A ni cu Christu kum 1305 ung shih ciah kya ci.