Bä ca Denis a ghinlu a mong

Pyinhtit Khaw ghung m’htei ca Christu kum (3) ung Italy ghunkhaw Roma Mangkhaw ah ng’ tüi ki. Christu kum (250) ung Papa Shangpughang Fabian noh Bä ca Denis lah a hei Taigü Maang chuk cu Khanpughü ah mong lam a mi m’thei m’kan thähla vai ah Pyinhtit khaw ah tüi gui ci. A cun nung Bä ca Denis cu Paris Maanggo ung mapibäih ne Taigü Maang ah kia lo ki. Bä ca Denis lah a po Taigü Maang gui cu k’chang gui ah m’lung k’nga ng’thong ng’hlat khai ah ci hnging ki gui ah kya hleih a mi hnguh hmat gong ne ng’zo khaw m’shümchuk ki gui ah Taigü gui noh nga mi ah hlu läk gui noh bä ca Denis lah a po gui Taigü Mang gui lam ah a mi m’lung nga a ng’ hlah vai ng’ä ki ki gui. Ng’zo khaw m’shümchuk ki gui ah Taigü gui ah tawktap nak awn Roma ghunkhaw maang gui noh Khanpughü ah mong lam bi ki gui a van pha gui ne a mi chum gui ah kya ki. Thawng khui kyawng ah a k’sho a mi tha gui kon ah bä ca Denis lah Catholic Taigü Boi k’hngih cu a mi lu k’ke ung m’chünpit neh a mi ngon gui ah kya ki. Ngami gui a mi ghon nak a ukku ung Taigü Boi gui ah om nak vai kiawng co u neh a cun ah kiawng cu Pyinhtit shangpughang gui a mi k’phuh nak ah hngün ah kya lo ki. A ni cu Christu kum Phya m’ku lah k’hmakip (250) ung Pyinhtit Ghunkhaw, Montmartre ung shi ca kya ki.

Reference: Life of Saints (Written by Seminarians (Pyin Oo Lwin)