Shet Bawiphaya om nak cuh k’hmong ci gui

Shet pigo ung Bawiphaya a om nak cuh kum k’phli lo tu päng hleih phih a k’cang a k’hmon nak cuh kä bi pha a kya ci. Cun a kya hleih Mindat k’taigü mang Augustine Thang Zawn Hung noh August k’cha 16 nak 2025 ung lo neh k’hmon nak lah ng’bumim cuh Khanpughi on äp neh kawngyi pe nak bi ci gui. Cun na bi nak ung K’taigü mang Augustine, RVA bi ci ah Bawiphaya Ling Maung lah Shet Bawiphaya Naing Shui ni cuh ät neh Missa gänap nak lah ng’bumim kawngyi pe nak bi ci gui. Shet Bawiphaya k’ka ah om ca yumtubum gui Lailawngthui, Yayaw, Shet, Chidup ung yumtubum k’phya goi hlawk lo neh k’taigü ci gui.

K’taigü Mang noh a pein nak ung” Yum nak cuh mi om ih nak on mi m’dang vai, ng’bumim a lo neh k’taigü vai hlü ci. Cun a kya hleih sin a ng’bumim cuh kawngyi pe neh m’htei theing ah kya ci” ci neh m’cäi gui ci. Missa gänap nak a ng’pyi lo ung K’taigüMang m’hlüm tai nak bi ci gui.