Bä ciah Stephen ah ghünlu a mòng

Bä ciah Stephen cu Christu kum 969 ung Gran Mânggo ung ng’tüi ciah kya ci. Hungary pakk’khui k’chang gui a k’daa yum nak a mi ng’thonghlah lo a hlo ah a ni cun phih a khokum 10 ung m’shi nak Saramentu ci tu ciah kya ci. A ni cu Hungary ghunkhaw ah Shangpughang tumat ah kya ci. A ni ah ghunkhaw ng’tuk ah nak ung ka no diimgei khai ah a ci kon ah a ni no a uk nak vai ah aanaa a van cu Nu Maria ah ghung m’htei nak ah kaa ah gänap ciah kya ci. A ni no a ng’shan ah phäh ah Papa Shangpughang a ghuilu chum lah a ni ah uk ah Mâng kho gui a van ung Khanpughi ah monglam thähla m’thei m’thang khai gui a tüih gui ah kya ci.

Stephen cu a ni ah k’kaa ah ka k’chang gui awn a mi ng’htako lo ung phih taga ne dímgei khai ah ng’hta ng’ko thei ciah kya ci. duyai k’chang gui am a k’cum ah gunghtot gui ne m’gein gui khai ah a m’lung phukplit ciah kya ci. Superstion ah thûm gui a van maih khai ah ci ne, Khanpughi ah ng’ming a kho lä a k’she pyein ci gui, m’guk ci gui, k’chang ah chu hta plet nak ci gui am a mi kat nak ah phäh ah a k’ghuih ah a pyit tan pe gui ci. A hta k’pa tumat bung hngu ah htei ne ng’lah ta ki shi hleih “a ni cu Khanpughi a kya ah  m’hngi ci ah k’chang ah kya ne Khanpughi no ng’dot ne a chü ba” ci ne pyein ci. A ni cu Chrisu kum 1038 ung shih hleih Hungary ghun kho ghung m’htei ciah Bä caih k’chang tumat ah kya lo ci.