Papa Shanpughang ah ng’thu

Papa Shangpughang Leo no August k’cha a chuk k’hngüp ung a ng’ngahtüh ba cu Boi Yesu ah yaica Buiawt nak, a shih nak lah a ghin lo ba nak ci ah Paschal Mistery a mong cu ng’ngahtüh be khai ah a ghü ah kya ci. pyantham vai (Prepare) ci ah k’chü ng’ling mi ng’ngah tüh vai ah a ni no na chüthäm gui ciah kya ci. Pyantham vai ciah k’chü ng’lung cu a lang hta düt vai hlü ah kya tu lang pang hleih phih a cang ah mi mi Christian gui ah ghünlu ah ng’thup hta ne a kya ah a phukyüi ciah ci ne pyein ci. M’hngi nak ci cu a k’ten ah kya lo ge ciah ci ne kä gah ah kya ci. Bä ciah Marku no a guk nak ah ng’thu k’ni 14: 12 ung a hluläk gui no Boi Yesu am a mi ng’shi cu, kei mi no Paschal ei  einak vai a hloi hteit ne ka mi pyaan vai na ng’yahlü ci ang? ci ne a mi ng’shi a  mong cu Papa Shangpughang Leo no pyein ne a hlüläk gui no maa lam ah a í ah kya lo k’khai cu hmat ci gui ci ne pyein ci.

Boi Yesu no a tüih goi ah a hlüläk k’hngih am pyein ne “Nangni cu Piggo k’kyawng ah n ani hteih ung tui k’hlüng k’kot ci na ni hnguh khai ci ne a m’shang ba goi cu teng ah a kya ung tui k’hlüng kot hleih a ni hnguh ah k’chang cu a vai ng’päng khai ah a ge ah pyang tham püi ciah kya ci. A cun ah hlo ah Boi Yesu cu a hluläk gui ka vai ah a van a ge ah pyam tham püi ciah kya ci. A cun ah kya hleih cang ciah m’hngi nak cu a k’ni  ah ng’ngaih na ne ghü ah kya ci ci ne Papa Shangpughang no pyein ci. Cun kon ah M’hngih nak ci cu (Chance) ah kä kya ne ng’ngaih na ung ka no kya lo ci ci cu mi hmat vai hlü ci ci ne phih pyein ciah kya ci. Mi mi gui ka vai ah Khanpughi no a ge ah na pyantham peit gui pi ci ci ne pyein ci. Khanpughi ah na pyan peit gui mi do ne mi mi gui cu Boi ah teihpüi ah mi kya ci ci cu mi m’lung kyong ah mi hmat vai hlü ci. Mi mi gui tumat hti mi m’lung kyong ah tumat hti ka vai pyantham ge cu om ciah kya hleih a cun mi hnguh ne m’hngi ne k’be vai ah na güng gui ci.

Source: Vatican News