Htum kchòkhò Catholic Htahtana hngün mòòngGuk ci-Bóiphàyà Mark Jordan.
MEPNgyung khongnakKchò gui ah Evangeli ngthûkní htehpüî vai mà kbäih neh kthá nak ah mòòng pyéin ba ah a kya ung ngphlän pyi ca kum 1890 ung va lèng ba mä vai kya ciMandalay ung ka noh mäng phya gôi hlok hla ca Kchò mhtûng ngtän gui ah christian htahtana ngdáng hlak vai,lam kthài shûi htük vai lah ngshông ngshàm ca khngìkyák lam uknak khònglêi shûilei vai ah phäh ah Mgr.Simon cuh a Bóiphàyà knípí tumat ah kya ca Bóiphàyà Lawrace tüì ci.1930 kum ung Mgr. Faliere noh Sayataw Foulquier ah hngün thung neh Kchò gui ah nglùng ah htahtana akthài kthá na neh bi shüm vai ngah-tüh ci.Kchàng akdá noh hmat tu ba neh dämtài tu ba neta phih hlíp Kchòkhò mhtûng ah hteh vai yùm tu ba neta phih Col.Burne ah a mthämhlà ah phäh ah HtumKchòkhò ah lèng ci.Cun ah htahtana kthài ah phäh ah Sayataw Faliere noh Bóiphàyà Marier Audrain ghü ci.Bóiphàyà Audrain cuh Britain ung ung 1890 kum ung ngtüì ci.1925 kum ung Myanmar khò ah gok lo ci.Mgr.Faliere cuh Sayataw ah kya vai neh Yeinanchaung ung ka noh ngdüí lo chütah ani ah hngün thung khai ah Fr.
Audrain chü ci.Ani cuh kum 35 lo neh gáigong netah Britain kchàng ah kya neh ghátghum ci vai hlü ah ngdáng tu láng pang ne phih mlùng kní on bé neh a lù kchók phih ghuih ci.Ani cuh akcàng ah bi tu kcàng bäng yùm neh càng ci lam bäng kbäî ci.Ani cuh gaih vai phih om thei ci.Ani am Kchò gui noh ami pyéin lo cuh ani hlok ah u noh kä na kshé na gui màn ci.Cung phih na yè na gui màn ci ci ci gui.Cung phih khòkum 6 ung ongngtang hleih a bi gui cuh ahei htahtana kbî gui hngô cäí gui hlakci.Bóiphàyà Audrain on atäng ah htahtana bi bi khai khmó kthô ah kya ca Mvá Bóiphàyà Alexis,Kayin Tamah Saya Rocco,Saya Chi Thou lah Saya Raphael gui cuh Sayataw noh ghü ci.Akhngú ah Saya Ba Shwe phih ngläk lo tu ci.Akhlá khòkhò Kchòkhò ahSayataw noh khòng hleih htahtana bi bi ci gui cuh khò k’hû a lèngnak 1933 kum December(14) khngüp ung Mandalay ah ka noh htìnpò on ngdüí lo ci.Ngami cuh Ayeyawady ung khngüp goi hteit u neh Ayeyarwady a hlíp kkàm Sikphyu ah gok ci gui.
Ngami cuh acun ung nghlè kkhân ah khohthêm gui taih u neh khò khngüp 5 bóngbài neh nghlè läk neh Mhtûng kkâ ah Saw Manggò ciah yoih-tuk nak mânggò ah hteit ci gui.Acun ung natalû pòi bi ci gui.Cun kòn ah Kanpetlet ah ami kâi vai ah nghlè lah phùi kkot ci gui shùi neh kdäih neh hteit vai neh pong ci gui.Ngami cuh ngdükhò mòòng kä hmat u neh British gui noh ami hteh-nak läk u neh Kanpetlet ah gok ci gui.Ngdükhò kchàng gui noh kä mi hlûitä hmat lo ci gui.Acòyah bói noh a hlíp lam Mindat ah nami hteh ung kchàng gui phih dá tu ba khai ci ci gui.Ngami cuh kthá na häih häih neh khòmhtûng gui khngüüp 3 khum netah December(31) mü hngün ung Mindat ah gok ci gui.Sayataw Falier,Bóiphàyà Audrain,Bóiphàyà Alexis lah Saya kthùm cuh 1934 January(1)ung Jesu mlùng kthéing ah shümhmatnak Missa gän àp ci gui.Acun ung Kchòkhò cuh St.Theresa àm àp ci gui.
