JUBILEE OF YOUTH BI-AH MONG

Mangtak k’taigü Mango-ah ak’htük pi-ah bi loh-ah kia ca k’hmo k’tho gui-ah Jubilee cuh Küi hta pigo St.Joseph ng’bum im-ung m’tu bi k’cha a htük k’hngüp bi ci gui.

   Cun-ah poi-ung cem k’taigü mang kia ca Msgr.John Om Se noh Jubilee gui Papa Shangpughang noh a k’bäi nak-ah mong gui am’thein tu gui-ah k’phe-ah mät-ah Mantak k’taigü mango-ah khoi khan tu hnga-ah akia lo cuh Khanpughü-ah ni bä nak-ah akia mong lah cun-ah ni bä nak gui-ah   phäh Khanpughü m’tam khah shüm hmat thei vai mong gui pyein ci. Cun-ah poi-ung Jubilee ma mong mah (Jubilee Incharge) kia ca Fr.Constantine Thang Aung Thang noh k’hmo k’tho gui-ah om ih nak,gü go nak-ung phih ahting ling a chüi kha-ah om k’ih gü go vai mong gui pyein ci. Cun kon-ah k’hmo k’tho gui-ah ma mong mah(Youth of Director)-ah kia ca Fr. Peter Tam Om Ghüng noh k’hmo k’tho gui cuh m’yung k’tha päng lo neh be yah kia hleih mät-ah yumtu ng’bum-ung phih kyai, mät-ah kho-ung phih kyai van noh ääp ci gui-ah mong cuh pyein ci.K’hmo hta noh phih k’hmo k’tho cuh ng’ngaih u neh ghü ng’vai lo ci noh phih k’hmo k’tho gui cuh ng’ngaih u ci gui-ah akia-ah mong cuh pyein ci.

Miksa gün ap nak-ung Msgr. John Om Se, (Jubilee Incharge)  Fr. Constantine Thang Aung Thang, (Youth of Director) Fr.Peter Tam Om Ghüng, Fr. Aloisus Nä Shui,Fr.Joseph Thang Mong Hnga, Fr. Timothy ling Maung ni noh bi ci gui.

Cun-ah bi nak-ung yumtu k’chang gui cun phih k’da lo tu u neh bi lo htük-ah Jubilee-ung yei neh m’shum chuk m’hlüng m’tai lo tu u hleih k’hmo k’tho gui kavai gü go nak gui cun phih bi ci gui mong hmat-ah kia ci.