Bä ca Mateiu ah mong
Boi Yesu ah hlu läk ka phih kia ne ng’thuk k’ni gui phih guk ca Mateiu cu Israel khaw Caperanaum ci ah Manggio ung ng’tüi ciah kya ki. A ni cu ngui k’phlam lok ciah k’chang tumat a phih kya ki. Khaw ng’hngup ä tung k’plam a loh nak a pyü hta ung bi abi za hung Boi Yesu noh a hngu ne tah a läk vai ah chü hleih Mateiu cu sheng neh ng’ düi lo ne a k’om phung a shäm ko a khohtang gui nong ghüt ne Boi Jesu ah a ngu läk ki. Boi Yesu cu Mateiu ah a im, ei nak ung a om yah ung ngui k’plam k’lok gui ni, chang om k’kaa gui Boi awn vuun ne ei a mi ei tu Pharisee gui noh ngu u neh ta i kia hlei ang? a mi saya ng’vai cu ngui k’plam k’lok gui ni, chang omk’kaa gui awn ei a täng a ei a ei tu ang? ci ne kia u hleih a cun Yesu noh ng’za neh k’chang m’gai k’chang cu gai ki gui ah phäh ah kä kia ne go ki gui a phäh ah hlü ki. Cun ah kia hleih m’ghuukthaa nak ah kä kya ein ne k’chünga nak ka ng’ yahlü ki ciah k’chü cu na mi hmat vai ah hteit ne ng’thei tu vä. A I kya hlei ci ung ni k’ki ka vai ah kä kya ne k’shek ki gui ka chü gui khai ah ka lo kya ki ci neh (Mt 9;12-13) ung pyein ciah kya ki.
Bä ca Mateiu noh a guk ka ng’thu k’ni cu a mät ah buiawt hnguh hmat gui vah a guk ba ah kya hleih kyüm be neh cang tu ba ciah kya ki. a ni cu Judea khaw ung Khanpughü ah bi abi konnah ghunkhaw hngilo lam ah ng’ däih ne Khanpughü ah mong lam m’thei m’thang ne ta a ca mät ta cang lam ah phäh ah a hngun pe ciah kya ki.
Mik’mi gui phih bä ca Mateiu ah hlo ah Boi noh a na chü gui ng’za ne a hlu mi läk hnging vai lah cang nak lam ung mi ghinlu mi peitak hnging vai mik’tha na ko.
