Bä ciah Martha ah ghinlu a mòng

Bä ciah Martha cu Maria Magdalena lah Lazarus ah a ni pai ah kya ne Jerusalem mânggo ah pei ah om ciah Bethany Mânggo hta ung om ciah kya ci. Boi Yesu no ngami gui cu a kya ah yei nak gui ne a shäng shäng hta om tu hti ciah kya ci. Kho k’hngüp ät ung Martha cu om lo tu ci gui a van ka vai ah ei k’ok ne a kya yah ung Maria cu Boi Yesu ah kho kung ah ngoh ne Boi ah pyein gui a ngaih hleih a ni kä gung tu ah pyein ne Boi Yesu ah m’thein ci. Boi Yesu no a pyein tub a cu Martha, Martha, nang cu a päng ah phäh ah cäi ng’ä ne na kya ci. hlü ci tu mat bäng vah om ci. Maria cu a k’ni pi gü püi ciah kya ci ci ne pyein ci. A ni ung ka a u no kä lak hnging khai. (10:42).

Lazaus a kya goi ne a k’hmat yah ung a pai hta goi no Boi Yesu a ni chü ah kya ci. Boi Yesu a gok lo yah ung Lazaus cu m’cîmhngün ah kho k’hngüp phli lo püi ciah kya ci. Martha no a pyein cu nang boi kei mi awn a täng ah na om vai hlü ung ka mi be Lazarus kä shih khai hlü ci ne pyein ci. Boi Yesu no kei cu shih nak lah ghin lo ba nak ah kya ci.  Ki na yum ci cu a shih ung phih ghüng ba khai ci ne pyein ci. Boi Yesu cu m’cîmhngün hteit ne Lazarus lut lo ci ne kya hleih Lazarus cu shi nak ung ka ghüng lo ba ne lut lo ciah kya ci. Martha cu shong cik ci gui ghung m’htei ciah bä ciah k’chang tumat ah kya ci.