Anhta ui on m’tutäng nak
K’Chàng gùi nawhami ng’ngaih-tüh vai-ah, m’tu-m’täng neh a piéin lo bà cuh Khãnmòpí khàw cuh k’chàng tumat nawh alo-ah a géit ah anhtá ùi awn täng ci. Cun-ah an-ùi cuh, a ùi gùi ung a k’zopí-ah kia neh phih, a däm lo ung an gùi ung a k’däm pí-ah kia neh khãn khàw k’khá gùi lo neh a ng’bàn ung ami ngohnák hnging-ah kia ci.
A hei m’tu-m’tängnák gùi a piéin lo bà cuh “Khãnmòpí ghin khàw cuh k’có awn täng ci. Hngumi nawh k’có lah neh m’htut-den pi gü-k’thùm ung súm-hleih m’htut-den pung hngip neh tùi ci,” ci neh piéin ci.
Báwi Jesu nawh m’tu m’tängnák gùi piéin neh a k’chàng gùi àm m’thei m’cäi gùi ci. m’Tu m’tängnák kä om hleih i-phih kä piéin man ci. A cun-ah phäh-avah, ce ng’sä nawh a piéin-ah, ‘kei nawh ka m’gong m’ãn neh m’tu m’tängnák gùi ka piéin khai. A cáü kah púi-ung lèngneh thuh thòng m’zih m’thu man gùi m’dáng hnging ci,’ ci-ah k’chü cuh ng’kiüm päng lo ci.
Mikmi noh mi ng’yak a Khanpughi ah ng’thu k’ni cuh ng’lih pyo khai mi k’tha nak vai hlü ci. Mikmi noh mi bi gui cuh a cun düit a di maih khai kä kya ci. K’chang gui noh hnguh tu u neh ami yum lo tu vai, ami theibang lo tu vai ah Khanpughi ah ni bä nak cuh mi m’dang khai ah kya ci. K’chang gui ung Khanpughi ah ng’thu k’ni yat neh a om vai a ng’lih pyo vai mi m’tha nak ko.
