Jonah-ah Cäi-cat nák vai awn m’tu täng ci.

Cun kon-ah, k’chü m’cäi k’süm a m’sah lah, Pharisee gùi nawh “Saza ng’váí aw, nang ung-kah, cäi-catnák tumat kù, kami hnguh hlü ci,” ci u hleih, Ani nawh m’sàng-bà gùi neh “kat-mah neh a piéin-ah kä om ci  nawh cäi-catnák sàng ci gùi am, ce ng’sä Jonah-ah cäi-catnák-ah kòn-ah, a hei cäi-catnák kä m’dáng vai. I-ah kia hleih ci ung Jonah cuh, nganú-ah poi-ung k’hngüp thùm lah mü k’thùm a om-a hlo-ah, k’chàng-ah htá phih, m’dek ’kiong-ah, k’hngüp k’thùm lah mü k’thùm om khai.  M’Cha-m’làng k’hngüp, Nineveh pìgò k’tu nawh vãng täng-ah ng’düí u neh sin-ah k’chàng gùi, m’cha-m’làng gùi khai gùi. I-ah kia hleih ci ung ngami cuh, Jonah-ah k’chü àwn ng’zu bà te ci gùi. Sin läí ung Jonah-a tah bä tu bà ci, om ci. M’Cha -m’làng lo k’hngüp, haí-täng-a kah, Sàngpìghang nú nawh vang täng-ah omneh m’cha m’làng lo gùi khai. I-ah kia hleih ci ung Solomon-ah k’chü k’ní a ng’ngaih tu vai-ah, khaw-’coi-a kah, lo te ci. Sin läí ung Solomon-atah bä tu bà ci, om ci.

Bawi kä yam ci gui cuh Bawi mät a m’yung aa huh hlük ci gui ah kya ci. Bawi noh Jonah ah cäi cat nak vai among m’tu täng neh pyein nak gui ci. Cun a kya hleih Bawi ah m’thei nak gui cuh kä yum u hleih a pyein nak gui ah kya ci.