Chorazin, Bethsaida, Capernaum gui Bawi noh be gui ci.

Cun kon-ah a ã a k’dá a m’dáng-nák-ah pìgò gùi cuh kä ng’zu bà u hleih, k’sénák gùi ci.

Chorazin aw, ka-’khai néi bäí; Beth-saida aw, ka-’khai néi bäí; a i-ah kia hleih ci ung nangní ung m’dáng-ah cäi-catnák gùi, Tyre lah Sidon ung a m’dáng vai hlü ung hlui-k’sé hlùi neh m’vut awn ng’bú neh cáü-vah ng’zu bà pi khai goi hlü.  Cun tu pang-ah phih m’cha-m’làngnák-ah k’hngüp, Tyre lah Sidon cuh nangní-atah ng’mãng tu bà khai goi.  Cãrpharnaum aw, Khãnmòpí k’pha hleih ning m’tâm hnging bä vai ang? M’Hteì-khaw-ah ning ghoh-ah kia lo khai. A i-ah kia hleih ci ung nang ung m’dáng-ah cäi-catnák gùi cuh, Sodom-ah m’dáng vai hlü ung cun-ah pìgò, a tuh güt om khai hlü.  Cun tu pang-ah phih, m’cha-m’làng k’hngüp, Sodom cuh nang-atah, ng’mãng tu bà khai.

Bawi ah a aa gui a k’da bi hleih phih kä yum ci ah pigo gui cuh be gui ci. Ng’thu k’phyüm yah ung Khanpughi noh a m’di man ah Sodom lah Comorah pigo on m’tung täng neh m’cäi gui ci. Bawi ah bi loh nak gui a k’da hnguh tu lang bang neh phih ami yum phih ah Bawi cuh cäi ci. Mikmi k’chang gui cuh ahe k’chang gui ah om ih nak cuh mi ng’thei tu ci. Mi mät ah buiot nak on mi hmat lo ci. Mi ng’thei nak cuh ng’hngih a ng’gui ci.