Na hmät a shing m’kang k’tung kot neh na läk kä

Khàw m’dek k’khãn-ah, dìm kiäp-nák ka lo püi vai-ah ka lo ci-ah kä nami ng’ngaih vai; dìm kiäpnák-ah kä kia ci; Chìm vah ka lo püi ci. A i-ah kia hleih ci ung a htá cuh, a Nú Pá awn, htá k’hngu cuh, a nú awn, htá-ah k’chú cuh, htá-ah nú awn ng’cha ng’tái khai-ah ka lo ci. k’Chàng cuh a-’kiong-a kah gùi awn chì-gà-ah kia lo khai.

A u pang-tah kei-atah a Pá boh, a Nú boh, m’hni tu bà pi ci cuh kei-awn kä chîn ci. A htá-k’pá boh, a htá-k’hngu boh, m’hni tu ba pi ci cuh kei awn kä chîn ci.    A mät-ah Sing-m’kang-k’tùng k’kot neh ka hngú-ah kä na läk ci cuh kei awn kä chîn ci.  A mät-ah hngùn m’ghin hlü ci nawh a hngùn m’sih ci-ah kia khai. Kei ah phäh-ah, a hngùn m’sih ci nawh ghinnák gah khai.

Nangmí ning m’om tu gùi ci nawh kei na m’om tu ci; kei na m’om tu ci nawh na tüi lo ci mät m’om tu ci-ah kia ci.  Ce ng’sä-ah hmat neh ce-ng’sä m’om tu ci nawh ce ng’sä-ah ng’khéng gah ci; k’chàng k’ní-ah hmat neh k’chàng k’ní m’om tu ci nawh k’chàng k’ní-ah ng’khéng gah ci.    A u nawh phih a k’ghói pí àm, ka hlu läk-ah a kia-ah phäh ah, tui k’khîng m’zak ät htá düit tu tu-khai; kei nawh nangmí àm a k’càng-ah ka piéin cuh, a phù kä gah-ah kä om khai.A-hlu-läk gùi gha-leigoi m’thei-m’tháng lo zop nehtah ami pìgò gùi zung-ah m’thei m’tháng vai neh a cu zah-a kah nawh hteit ci.