Bä ciah Willibald ah ghinlu a mòng

England ghunkhaw, Wessex ung om ciah Wilibald cu Christu kum ung ng’tüi ciah kya ci. A ni cu a k’hmó hta yah ge ung Yahteih ghinlu a mòng lam gui a k’ni ah hmat püi ciah kya ci. Christu kun 722 ung a kya ah hlak ciah Constannoble, Jerusalem lah Roma ung a ni ah a phäi na tumat awn a täng ah hteit ciah kya ci. Boi Yesu ah hteih hton biloh nak man gùi ung hteit ne a ni ah hteih jton gùi ah mòng cu guk thein ne ciah kya ci. A cun ah a gúk gùi ah ca cu Anglo-Saxon k’chü awn màpi k’bäih ne a hteih hton gùi a guk ah kya ci. A ni cu Christu kum 730 ung Montecassino Monastery ung ng’plon ne a cun ung a sho om ciah kya ci.

Bä ciah Bonaphase no a ng’shan ah phäh ah Wilibald cu Taigü Mâng ah a kya nak ah Jermany khaw ah hteit ba ne Christu kum 742 ung Eichstatt Mânggo ung Taigü Mâng ah kya lo ci. A ni cu a cun ah Mânggo ung khokum 45 sho khai ah Khânpùghi ah mòng lam gùi bi lo ne Christu kum 781 ung shih ciah kya ci.