7th July (Daily Reflcetion)

Zung Báwi-ah htá ng’la m’ghin bà neh k’hngu mí nú a m’gái bà.

Cun-ah a ng’htà zah ng’hngün ung a ng’vái tumat a pèi-ah lo neh a khaw kûng-ah ng’bóp htá nehtah “Báwi aw, ka htá-hngumi-htá tuh-bäih ng’hngün sih ci; cun ung phih, lo neh a ’khãn-ah nakut na taih vai hlü ung ghing-èi bà  khai hlü,” ci neh a ng’huinák.  Jesu cuh, ng’düí lo neh a-hlu-läk gùi mah-ah hteit tu ci. Cun zah ung kum gha-leigoi púm asi ng’chong neh go pài ci-ah k’hngumí tumat nawh läk neh a hlui piai ton ci. A i-ah kia hleih ci ung ani nawh “a hlui düit phih ka ton-ungtah ka gái bà khai hlü,” ci neh a m’lùng-am ng’ngài te ci.  A cun-ung phih, Jesu nawh ng’hlat neh ani cuh, hnguh nehtah “Ka htá-k’hngu aw, na ng’ngaih m’gep-ä. Na zùm nawh ning k’phión ci néi,” ci ci. A cu vai-am tah cun-ah hngumi, gái bà ci. Cun kon-ah a ng’vái-ah im-ah, gok lo neh tum-’khawng ci gùi lah, pam-cãi ci gùi a k’dá cuh, hnguh lo gùi neh Jesu nawh Sin-ung-kah ng’nòn vä; k’hngumi htá kä sih ci néi, ip ci,” ci hleih, ani cuh, gaih tu ci gùi. Jesu nawh ngami gùi a k’pùng-ah tüi-èin gùi zop-nehtah a ’kiòng-ah lut neh hngumi-htá ah kut vèn hleih let lo ci. 2Cun-ah a màwng cuh a cun-ah khàw púm ung zat zop ci.