Jesu nawh Khaw k’chi k’sé m’düm ba hlak ci.

Cun zah ung Jesu cuh, ng’hlè-’ko tumat ung ng’cùm lo hleih, a-hlu-läk gùi nawh phih läk tu te ci gùi. Pinle cun phih ng’hngók lo pí hleih, ng’hlè-’ko cuh, tui ng’hngók nawh k’plüm lo pi ci. Cun zah ung Jesu cuh, ip-hngim zah ci.  A-hlu-läk gùi nawh m’tho lo u neh “Báwi aw, kami dí lo khai-ah kia véi, na k’phión gùi-ä” ci neh ng’huinák ci gùi.  Jesu nawh phih, “Zùmnák kèn ci-ah k’chàng gùi, a i-ah nami kiü ci ang” ci neh züih gùi nehtah let lo neh khaw ’chi k’sé lah pinle tui cuh, be goi hleih, a ng’htéi-ah dümlo bà ng’ghüt ci. k’Chàng gùi nawh phih, “Sin-ah k’chàng a u mä; khaw ’khì k’sé lah pinle tui mät nawh ani-ah béit ng’ngài ci” ci neh a k’cäí-ah piéin ci gùi.

Covid 19 a om yah ung kho m’dek k’chang gui a k’da shi ci gui. Avan yaica neh lei-geit gui bü neh om yah ung Papa Shangpughang Francis noh kcho m’dek chang gui avan kyawngyi pe neh a pyein nak ung a shin ah Bawi Jesu ah ng’thu la neh pyein ca kya ci. Tukbäih chü cuh Bawi Jesu on a täng a ng’hlek-ko ung mi hteit ca kya ci. Bawi cuh ip ci vai hlü a mi ng’ngai khai ah kya ci. Bawi mi m’thoh vai mi shüm ba ko. Bawi noh na gung gui hlü ci. Mikmi noh Bawi mi chü neh mi shang ko. Mikmi ah yaica nak ung Bawi cuh om tu ät ca kya ci. Mi van no Bawi yum nak on mi m’thoh ung Bawi noh na gung gui khai ah kya ci. Bawi mi chü vai kä k’hmih en ko.