Jesu ah ghui m’lung poi
Cun-ah kia chü-tah Jesu nawh phih, ngami gùi-àm, m’tu m’täng neh piéin ci.“Nangmi gùi-ung-kah, tumat kù nawh a säm te-ah Htò phiã-ung-kah, tumat a maih vai hlü-ung, a hei htò ’kõkip-lei’kõ cuh bung-ah nawng ghüt-èin neh maih ci-ah htò tumat cuh a hnguh bà güt, sùi bà vai neh kä hteh-ah om düit khai-ang? A hnguh lo bà kon-ah, zèi tu neh pulèng-èi neh A im-ah a gok lo bà-ung, a teih püi k’tu lah a ng’khaw k’chàng gùi cuh chü gùi neh, “Na zèi tu püi vä, maih te ci-ah htò cuh ka hnguh bà ci néi,” ci neh piéin man ci. A cun-a hlo-ah, ami ng’zunák bà vai-ah kat kä om ci-ah, k’chàng ’kõkip-lèi’kõ-ah phäh-ah, zèi tu-a tah, ng’zu ng’zàwn bà ci-ah, k’chàng tumat htá bäng-ah phäh-ah, Khãnmòpí-ah, zèi tu vai, dá tu bà khai néi, ci neh ka ning m’thein tu gùi.
A u phih a m’lung a ni ah a kya ung avan ni ba ci. k’chang cuh amü a sheit tu ung phih am’lung a ni ung avan noh yei nak ci. Cun a kya hleih m’lung pyan than vai cuh hlü pi ci ah kya ci. Bawi ah ghui m’lung poi mi bi ah among cuh Bawi noh ana yei nak gui mi shüm ba vai among, Bawi ah chü m’gein nak among gui cuh mi hmat ba vai na m’thei ba gui ci. Bawi ah ghü m’lung on mi om thei vai hlü ci.
Mindat mango mi ng’bumim cun phih ” Sacred Heart” ta kya ci. Mi van a Feastday phih kya ci. Caa pyinhteit Bawiphaya gui noh lo neh ami leng lo nak lah Bawi Jesu ah m’ghüi m’lung on htum k’cho kho cuh ami ap ma ah kya ci. Cun a kya hleih Bawi ah ni bä nak on be ca Mindat Htahtana a k’thai ah akya hnging vai mi k’taigü ko.
