Ng’shä man lah kä ng’shä man cuh m’cha lang vai.

Htòme vun ng’thuh láng neh a ’kiong-ah  ng’hngéi-k’nget-ah kia neh ning lo sí gùi ci-ah, ce ng’séi gùi  ng’ngaih-nák vä.  Ngami-ah a ng’theih teng neh ngami, nami hmat gùi khai. Ng’Hlìng ghing ung-kah, ca-pit theih boh, ng’hlìng ng’gài ung-kah, k’thei púm boh, nami chang man ci ang? A cun-a hlo-ah, a ghing k’ni nawh a k’theih man-ah k’theih ci. Aghing k’sé nawh a k’sé-ah ng’theih ci.  A ghing k’ni nawh a k’sé-ah kä ng’theih thei ci. A ghing k’sé phih, ng’theih man-ah, kä ng’theih thei ci.  Ng’Theih man-ah kä ng’theih ci-ah  a ghing phùng chuton neh mei ung m’chih-ah kia khai.  Cun-ah kia hleih, ami ng’theih teng nehtah ngamí nami hmat gùi vai.

A pyein ni ci päng a k’cang pyein ca kä kya ci. K’chang a ng’ngaih phyak vai pyein lah a k’cang lam pyein cuh kä täng ci. Cun a kya hleih Bawi noh a na m’thei m’cäi gui ung a m’theih on a ghüng hmat hnging ci ci. A ghüng kä ni ci noh a k’ni kä theih hnging ci. Mikmi k’chang gui cuh mi pyein a tah mi bi loh om ih gui cuh a ni vai hlü tu ba ci. Cun gui cuh a k’hngüp tä mi ih om nak gui ung ng’hmat ca kya ci. Cang nak a lam, cang nak a k’chü, cang nak a bi loh vai gui cuh mi bi loh hnging vai mi k’tha na ko.