Bawi ah shi-hla poi m’cäi nak

Cun-ah màwng cuh k’chàng gùi nawh ng’za tu u neh a hngú-ah läk ci gùi. Ngami cuh, dàw gùi neh Khãnmòpí ghin khàw-ah màwng, m’thein tu gùi neh gàw-pàinák ung-kah gái vai, hlü ci gùi cuh m’gái bà gùi ci.Khàw k’áwi lo hleih a-hlu-läk gha-lei-goi nawh k’et neh ami piéin lo cuh, “k’chàng-gùi cuh, a pèi zung-ah om ci-ah pigò-htá gùi-ah, ih omnák lah, ei vai ami sui vai-ah, na tüih bà gùi vai. Mihmi cuh, bung-ah mi om ci-ah kia ci. Ani nawh “Èi vai-ah ng’khaw nami mät nawh pe gùi vä,” ci ci. Cun tu pang-a phih, ngamí nawh m’sàng bà u neh “Sin gùi avan nawh ami ei vai-ah kami mät nawh hteit neh kä kami k’hleih mùi ung m’htut ng’lung k’hmà lah, ngá ng’zun-goi kon-ah, keimí-ung a i k’càng kä om ci,” ci bà ci gùi. K’Pámi bäng phia-k’hmà kip hlok lo ci. Cun kon-ah, a k’chàng gùi-am, “K’Hmakip täì-ah ng’bum neh ngoh u hlä,” ci ci.  A piéin-a hlo-ah ci u neh ngami om ci gùi phung ngoh hlak gùi ci gùi.  Báwi nawh m’htut ng’lung-k’hmà lah ngá ng’zun-goi cuh, la neh Khãnmòpí-ah han k’dang neh k’tài-gü nehtah k’bo neh k’chàng ng’bum gùi-àm ami tei gùi vai-ah a-hlu-läk gùi-àm pe gùi ci.  Om ci phung nawh ami phü-ah ami ei kon-ah, a ’khùi htá gùi cuh, khawp gha-leigoi-ah kó bà ci gùi.

Kei ah shi awk neh kei ah hla ei ci cuh a cum a ghin nak gah khai. (Jn 6:48) cia ah Bawi Jesu noh a pyein cuh mi shüm ba neh ” Holy Eucharist” ciah Bawi ah shi hla cuh mi m’hlüm tai mi yum vai lah mi ih om nak ung mi ei neh k’tha gui mi gah vai ah kya ci. Mikmi Catholic a yum ank a k’hlung pi cuh Kodawmyat a kya ci.