M’lung ng’ngaih m’hting vai

Ami k’chú kä na katnák vai ci neh cáü pùghí pá gùi àm ami piéin man, nami ng’zák man ci. Kei nawh nangmi àm ka piéin cuh, kat püi hlü-ah m’lùng awn, k’hngumí teng ci phùng nawh a m’lùng àm, cun-ah k’hngumí kat püi pi ci-ah kia ci. Na k’pat mik-ùi nawh a ning m’kat hlak ung k’koih neh ghot-ä. A i-ah kia hleih ci ung käü púm-ah m’htèi khàw-ah hteh-ah k’dam, käü ng’pài tumat a dí ng’mãng tu ba khai. Na k’pat kut nawh a ning m’kat hlak ung tupit neh ghot-ä. A i-ah kia hleih ci ung käü púm-ah m’htèi-khàw-ah hteh-ah k’dam, käü ng’pài tumat a dí ng’mãng tu bà khai.

A-u nawh boh, a ’chú a nawng bà hlü ung m’chãnák-ah cã pe hlä ci-ah k’chü om man ci. Nangmi àm, ka piéin cuh a plet-ah kä kia mùi ung a k’chú nawng bà ci nawh a k’chú kat hlak-ci. Ami k’chú nawng, k’chúnák tu bà ci nawh phih ami k’chú gut ci-ah kia ci.