5th June – Daily Reflection
Maaneh ng’yak nak ung Paul cuh a i a phäh Bawi Jesu among a pein cuh k’chang gui ah maa ah ami ng’shi lo a kya ci. Cun-ah a ng’vái gùi-ung, a m’sah gùi cuh, Sadducees-ah kia u neh a m’sah gùi cuh, Pharisee-ah kia u hleih Paul nawh hmat gùi neh mãng k’hlák mà-ah chü gùi neh “Phäí-nàü gùi-aw, Kei cuh Pharisee-ah ng’sòn, Pharisee-ah ka kia ci. Sihnák-ung-kah ghin bànák ka äpnák-awn, sin-ah m’cha m’làngnák-ung ka gok ci,” ci neh ’khãn hleih piéin ci.A cun a ci vai-àm, Pharisee gùi lah, Sudducees gùi-ah ng’lak-ung ng’gennák om neh k’hngih-ah ng’tái ci gùi. I-ah kia hleih ci ung Sadducees gùi nawh ghin bànák, ng’mùi m’chà lah, Khãnhtapup gùi a om kä zùm ci gùi. Pharisee gùi läí nawh avan k’thùm zùm ci gùi K’Áw ng’song pí htí hleih kia u nehtah Pharisee gùi-ung-kah, k’chü m’cäi k’süm gùi nawh ng’düí lo u neh “Sin-ah k’chàng-ung, m’tàng vai, i-kat, kä hnguh mùi. Khãnhtapup nawh boh, ng’mùi m’chà nawh boh, ani-ung k’chü ngai ci,” ci neh ami k’hlènák gùi.Ng’Cuh u neh ami m’lùng hlò lo pí hleih Paul ami ng’kaih pit vai kiüh lo neh khàw m’tät Báwi nawh a khàw m’tät pó gùi zu m’kium gùi neh Paul cuh lung im ’kiong-ah a chan bà gùi hlak. A ngói mü, Báwi nawh ng’dángnák neh “chüí-ä bäí, kei-a phäh-ah, Jerusalem-ah na kia-a hlo bä-ah, Roma-a phih, na kia vai néi bäí,” cinak ci.
Bawi noh k’taigü neh a hlu läk gui kavai phih kyai, ani yum ci gui kavai phih kyai k’taigü neh mi van kavai ah kya ci. A Pa on ani om lah a Pa noh a yei nak among cuh k’chang gui noh ami hmat vai ah pein ci. A Pa on a ni ät a hlo ah k’chang gui cun phih ami ät vai lah Khanpughi yum ci gui ung ät nak a om vai ng’yak hlü ca kya ci.
