Bawi Jesu a shih nak a k’hngüp

Bawi Jesu noh a shi m’hlon neh a na shih pe gui cuh a shin a Good Friday ciah k’hngüp a kya ci. Bawi ah shih nak cuh mikmi ah pyion nak a kya ci. Bawi ah Shing m’kang tung ung a shih nak cuh mikmi ah bä nak vai kya ci. Caa Israel k’chang gui noh Eygept kho ung kanoh ami ng’düih lo vai ung Hto me hta ngon u neh a shi on ami kshoh pang ami hluk ung khanhtapup noh khe gui neh pyion ci gui. A cun a hlo ah Bawi Jesu ah shi cuh mikmi ah m’gong ung mi ng’khan ung khonget noh na nong gui khai. Bawi Jesu a shih nak on Catholic htahtana cuh ng’tüi on lo ci. Bawi Jesu ah a ve ah tuilahshi lut lo ci. Tui cuh m’shi nak Sacramentu ah kya ci. Shi cuh Bawi ah shihla Sacramentu ah kya lo ci. A cun cuh Catholic yum nak a m’kot a kya lo ci. Adam a it yah ung Eva a tui pyan a na hlo ah Bawi a shih nak on Catholic htahtana cuh om lo ci a kya ci.