Ngthu kní ngthei ktàigü kthái3

Catholic yùm tu ngbūm ah mcäì 6

(1)Kyün khngüüp tä lah htíthéng ca pòi khngüüp gui ung Missa na gän àp tu vai.

(2)Kum ät ung akken pí ah khngät hmakat phyónnak Sacramentu na bi vai.

(3)Akken pí ah Paska pòi yah ung Bòi Christu ah shihlá na ei ók tu vai.

(4)Kyüün hloi khngüüp gui yah ung ei òk hloi neh ngphep neh na om vai.

(5)Kahtolic yùm ktū ngbūm ah bä a yat lo píhtī vai ah na gung tu vai.

(6)Kchucèi mah vai phäh ah Kahtolic ah mthēimcäì na läk vai.

Bói ah bi bi kchàng gui Kkhaanpùghí no a ghüh tu gui vai ah ktàigü nghuingpanak

Shing mkang ktùng ung na shih lo güt na mhngi gui ca Jesu ah bä pí ca mlùng o,keimi gui cuh na kchì khngà tu gui ä.Khò khngüüp ät ung Kkhaanmòpí ah kami gok lo tu hnging vai ah nang ah mòòng lam cuh na mthei na mshüm tu gui khai ah bä ca ktàigü bói gui ni,koyin gui ni,mamah gui ni,tamah saya gui ni,tamah saya gui cuh keimi gui ung kah akdá na ghüh lo tu pe gui ä.Amen.

Mshùm mchuk vai

Kei na tüí khmüt ca Kkhaanpùghi Bói o,na mà ah kei no ngbóp htá neh ning yùmmnài tu pí kbäih neh kaning mshùm mchuk ci.

Yùm vai

Kei na mthēi ca Kkhaanpùghí Bói o,nang cuh akcàng ah kaning yùm ci.Na kcē ngshä gui ni,na Htá Jesu ah pyéin gui avan cuh Kahtolic no a mthēi mcäí ah hlo ah ka yùm yop ci.Bói mät no a pyéin ah kya hleih avan càng ci.

Ngngaih u vai

Kei na gunghtót ca Kkhaanpùghí Bói o,na Htá Jesu Christu no ana yáica péit gui a phäh ah khòmdek ah Kkhaan ah ka ghin yah púm ung na gunghtót khai lah ka kyä ah shih kòn ah phih kkhaanmòpí ah na m’om tu khai ah khänghtek hleih kaning ngngaih u ci.

Mhngi vai.

Kei na mhngi khmà ca Kkhaanpùghí Bói o,ka mlùng mchà kthagui avan on na mät cuh mà neh kaning mhngi tu pí kbäih ci.Cun kon ah na ngyák hlü ah hlo ah ka ngkho kchàng gui avan cun ka mät ah kyä ah hlo ah ka mhngi tu gui ci.