Catholic yùm tu ngbūm ah mcäì(6)
(1) Kyüün khngüüp tä lah htíthéing ca pòi khngüüp gui ung Missa na gän àp tu vai.(2)Kum ät ung akkēn pí ah khngät hmàkat phyónnak Sacramentu na bi vai.(3) Akken pí ah Paska pòi yah ung Bói Jesu ah shī-hlá na ei ók tu vai.(4)Kyün hlōi khngüüp gui yah ung ei ók hlōi neh ngphep ne na om vai.(5)Catholic Yùmtungbűm ah bä a yat lo píhtí vai ah na gung tu vai.(6)Kchu cèi mah vai phäh Catholic ah mthei mcäì na läk vai.
Bói ah bi bi kchàng gui Kkhaanpùghí no a ghüh tu vai ah nghuingpa ktàigü nak.Shing mkang ktùng ung na shih lo güt nà mhngi gui ca Jesu ah bä pí ca mlùng o,keimi gui cuh na kchì khngà tu gui ä.Khò khngüüp ät ung Kkhaanmòpí ah kami gok lo tu hnging vai ah nang ah mòng lam cug na mthēin na mshüm tu gui khai ah bä ciah ktàigü bói gui ni,koyin gui ni,mámah gui ni lah tamah saya gui cuh keimi gui ung kah akdá na ghüh lo tu pe gui ä Amen.
Mshùm mchuk vai.Kei nà tüì khmüt ciah Kkhaanpùghí Bói o,na mà ah kei no ngbóp htá neh ning yùmnài tu pí kbäih neh kaning mshùm mchuk ci.
Yùm vaiKei na mthei ca Kkhaanpùghí Bói o,nang cuh akcàng ah kaning yùm ci.Na kce ngshä gui ni,na htá Jesu ah pyéin gui avan cuh Catholic no a mthei mcäì ah hlo ah ka yùm yop ci.Bói mät no na pyéin ah kya hleih avan càng ci.
Ngngaih u vaiKei nà gunghtót ciah Kkhaanpùghí. Bói o,na Htá Jesu Christu noh ana yáica péit gui a phäh ah khòmdek ah kkhân ah ka ghin yah púm ung na gunghtót khai lah ka kyä ah shih kon ah phih kkhânmòpí ah na m’om tu khai ah khänghtek hleih kaning ngngaih u ci.
Mhngi vaiKei na mhngi khmà ca Kkhaanpùghí Bói o,ka mlùng mchà kthagui avan on na mät cuh mà neh ka ning mhngi tu pí kbäih ci.Cun kòn ah na ngyák hlü ah hlo ah ka ngkho kchàng avan cun phih ka mät ah kyä hlo ah ka mhngi tu gui ci.
