Bä ca Monica a mong
Africa hliip khaw, Tagaste manggo ung ka noh Christu kum pyalahthumkipleitum ung tüi om lo tu ca bä ca Monica cu Christian kiawngkhui ung ka noh lo tu bang lang ne phih a yum ghong ca Patricius ci ah k’paami tumat awn kiawngkhui khoi ni neh om ci goi. A ni cu a nighü ah kalu nak, a cei ah ghatghum neh m’lung k’she lingai nak , kat nak gui kä nik’ki gui a van bi neh a nu a k’chü kä ng’ ngai ca a hta vaipi Augustine, a cun gui thum gui ah phäh ah a kiawngkhui ung diimkiäp nak ka om hleih a kiaa ah a tüi hlei yaikya nak gui ung a m’lung ng’shäi khai ah piang thamneh ang’pliitui awi neh a k’cüm a k’taigü neh khampughi am a van ap ca kiak’ki . khokum a sho lo kon a ak’kiawng a ka cu a m’lung ngaa ng’ thawnghlat lo neh aa shih pha ung m’shi nak Sacramentu cu gah tuk ca kia ki. A cun za hung a hta Augustine cu a khokum ghaleichüih lo hleih a nu noh Carthage kiawng ah a tüih tu te, a omk’ih gui diidam lo neh kä nik’ki gui bi neh kia lo hleih a cunung ka noh tün neh a nu Monica cu eiok hloi neh a hta ka vai ah k’taigü lä neh om ci. Augustine cu a khokum m’kuleiko ung Roma manggio ah hteit hleih a nu Monica cun phih a hta Augustine a hteh nak ah läk tu ki. Milan ung gok ne ta ng’müm’cha lam ung Khawngmang lampyiang ca Taigümang Ambrose am a hta ah om kiaa gui m’thein tuhleih k’Thaigümang Ambrose noh na hta ka vai ngaapi ca na k’taigü vai ci ne m’cäi hleih bä ca Monica noh a cun läk neh bik’ca kia ki. A hngu konnah Augustine cu a nu ah taigü nak kon a m’lungngaa ng’ hlat lo neh m’shiinak Sacramentu gah tu ca kiak’ki. a nu Monica a kiaa yei tuneh aa shih phaa ung ung a hta Augustine am a pyein cu “ Shinna khawm’dek a khan ah kei am a ii noh phih yeikiai nak kä na pe ki. Ka yuomäp nak be pi ki. Khanpughi ah mangkiak ung kei na shüm ba. Kei a kiä cu na yumnak ung na k’phuh vai” ci neh pyien ghüt ca kia k’ki. Bä ca Monica cu a khokum hmakipleihmaa ung shi k’ca kia ki. A ni cu Nu gui m’htei m’hta gui ca bä ca chang a kia k’ki.
Bä ca Monica a hlo ah mik’mi gui phih thüihlei yaica nak a gui phung ung ghünlu pum Khanpughi yumäp neh mik’taigü tu hnging vai ah mi k’tha na ko.
