March k’cha 24th ung ng’thu k’ni

Maaneh ng’yak nak ung Syria shangpughang ah pochuk mang Naaman cu amät ah shangpughang ah ma ah a hmai kyang neh a ng’ming thang ciah k’chang tumat ah kya ci. Ani cuh a ng’htei ah linggai ca k’chang k’gai ah kya ci. Cun tu pang a phih ani cuh kyam ah ei nak gah ci. Cun a kya hleih ani cuh Israel kho ah ami tüih a kya ci. Ani cuh Elisha a gok lo hleih Jordan tuinu ung a ng’phum vai ah pein hleih kä yum ci ah kya ci. A k’chang gui noh m’cäi ba u hleih cengshä Elisha a pyein a hlo a tui ung lut hleih Kyam a ei cuh maih neh a hla cuh a k’hmo ah hla vai hlü ah theing ba ciah kya ci. Naaman noh cengshä ah chü ng’ngai hleih htitheing ba ci ci cuh mi hmat ci. Israel ah Khanpughi cuh a k’cang a Khanpughi a kya ci cineh pyein ci. Maneh kä yum ci te a k’hu ah yum lo ci.

Bawi Jesu noh “a u phih amät a pigo ung ahmai kä k’kyang khai”ci ci. A täng a om, a u cuh hmat ci gui. Cun a kya hleih Bawi cuh kä yum ci gui. Bawi noh a mät a ng’tüiom nak a hteit ba ung a i kä hnguh tu ci gui. Bawi cuh kä yum ci gui. Yum nak om ca k’chang a phih a m’yung aa ng’dang ca kya ci. Yum nak kä om hleih a i phih Khanpughi noh kä ci hnging ci. Cun a kya hleih yum nak a om vai, mi pe ah om ci gui, a k’khak a kä ngngaih tu ung kä bä khai a kya ci. Naaman noh m’htitheing nak gah ci. Yum nak on mi bi gui avan cuh Khanpghi ah ni bä nak a kya ci.