“Summer Camp” bi ci gui

Kyühta Bawiphaya Ling Maung noh khong mang hleih Maamah goi noh M’kui pigo ung English ca k’cha ät a k’hmo gui on m’thei ci gui. “Pyinya Sanyae” ung ng’thei tu ci goi ah Maamah goi noh ani m’thei a kya ci. A k’hmo tub a gui cuh Maamah Ghung Li noh m’thei ci. A ng’vai tub a gui cuh, Maamah Maria kim noh m’thei ci. English ca a I hok kcha pyein thei vai cuh a k’ni ah m’thei ci goi. A ng’vai tub a gui ung a Calistus Naing Sein noh” Maamah noh Phonics, Story, Reading, Writing lah Grammar m’thei ci. A cun ung a Phonic cuh ka yum tub a ci. A I kya hleih ci ung English a I hok cha k’pong neh pyein vai cuh hmat lo a kya ci. Maamah goi phih a kya a I bä ni” ci neh pyein ci. A k’hmo gui English ca ami hmat vai cuh a kya hlü lo ci. M’kui pigo ng’vai tumat noh, “ mät noh a I kä hmat a kya hleih, a k’hmo gui a shi kcha ami ng’thei cuh a kya ni ci. Maamah goi phih ani bä ni. Cun ngon a phih lo neh a shin a ami m’thei lo ba ung tah a kya vah ni khai ci neh phih pyein ci. Maamah goi ah m’thei m’thang cuh March k’cha kum-lei-ko ung ng’pyi khai a kya ci. A cun ng’pyi lo ung Hilong pigo ah hteit ni neh Saya/Sayamah gui cuh m’thei m’thang ba khai goi ah kya ci.