Bä ca Joseph ng’bumim poi bi ci gui

Kyüihta pigo ung ng’bumim cuh bä ca Jospeh ng’ming hlui u neh m’ap ci gui a kya ci. March k’cha 19 nakcuh bä ca Joseph a poi a kya hleih yumtubum gui cuh bä ca Joseph poi bi ci gui a kya ci. Yumtubum 50 hlawk lo neh k’taigü ci gui ah kya ci. St. Joseph Novena cuh March 10 ung kanoh leng neh bi ci gui. k’hngüp ko ng’pyi lo neh Joseph poi bi a kya ci. Kyüihta ung ng’bumim coh vai ah bä ca k’chang noh ami gung gui vai kami k’taigü ci. March k’cha 19 hngi m’khin 7 am ung leng neh Missa gänap neh 8:20 ung kami pyi ci. Ng’thu k’ni ung bä ca Joseph a ni bä nak gui läk u neh mi theibang tu neh mi om thei vai mi k’tha nak vai Bawiphaya Ling Maung noh na m’cäi gui ci. Bä ca Josehph noh a om it nak gui: ng’shunghei vai, Khanpughi ng’ngaih vai, dümm a om vai, mi theibang tu vai, k’taigü vai, kyong khui ng’ngäng m’thei vai gui cuh na m’thei ba gui ci.