March k’cha gha-lei-chüih (17) nak ung ng’yak vai among

Daniel noh a guk nak a ng’thu k’phyüm ung Israel k’chang gui noh ami hma kat nak ung a ng’ya ba u neh Khanpughi ami ng’hui lo nak ba a kya ci. Ngami ah hma kat nak gui cuh Khanpughi ah m’cäi kä ng’ngaih nak, Ceng ng’shä gui a i kä hnguh tu man a kat nak gui ung kanoh Khanpughi noh a k’pyion gui vai ah ami ng’hui nak a kya ci.

Ng’thu k’ni ung Bawi Jesu noh k’chang kä na m’cha lang vai, nang phih kä ni m’cha lang khai gui, k’chang na phyion vai, hlü ci gui ah k’chang gui cuh mi gung tu gui vai ah mi k’tha nak vai na m’thei ba gui ci. Cun a kya hleih mikmi phih mi mät ung kanoh mi leng vai. Khanpughi noh a na m’gein nak gui mi gah hlo ah mikmi no phih mi m’gein thei vai. Gah tang nak ka tah peit tak nak ung yeikyai nak be ci ci neh bä ca Paulu noh pyein ci. Cun a kya hleih k’chang gui mi m’gein vai, kä mi m’cha m’lang vai, k’chang gui gung htot nak a om vai ah mi k’tha nak ko.