Daily Reflection – A hngih nak ah kyühloi kyün hngüp ng’yak ah  ng’thu k’ni (March 16)

Maaneh ng’yak nak ung Khanpughi noh Abram chü neh a k’kho he ah a hteit vai ah pyein nak ci. Abram noh Khanpughi a yum nak on Khanpghi a m’cäi ng’ngai neh hteit hleih Khapughi noh ” Na hta shon gui cuh Khanmopi ah aili vai hlüah da khai, pinle tuinu ung a bigün vai hlü ah da khai ki khai” ci neh Khanpughi ah chü khän gah ci. Abram noh Khanpughi a ng’ngaih nak on ni bä nak gah ci ci cuh mi hmat lo ci.

Bawi Jesu noh Tabor khom m’thung ah Peter, John lah Jame gui khah püi neh a müi hmai ng’thong hlat ci ah among mi ng’yak ci. Bawi Jesu noh Khom m’thung a mat hta hteit neh k’taigü htei ci te, tuhbäih cuh peter, Yakok lah yawhan cuh khahpüi gui ci. Khanpghi ah a kya nak ami hnguh tu vai, ami hmat tu vai, ng’yak hlü ca kya ci. Moses lah Elijah ng’dang lo ni hleih ng’hta ci gui. Jerusalem ung kya lo khai gui cuh pein ci gui. Bawi Jesu ah a yaica vai, ami ngon vai, a k’thum hngüp ung a ghün lo ba vai gui cuh pein ci gui. Peter noh nang Bawi ca kä na kya khai ci neh Bawi am a pyein man te cuh Pa Khanpughi hmat noh Peter a ng’yak tu vai a pyein ci. Shin cuh ka hngi pi ah ka hta nei, ani ng’ngai vä'” ci ah a pyein cuh mikmi gui avan kavai ah kya ci. Khanpughi ah hta Bawi Jesu ng’ngaih nak cuh a kya hlü ci ah kya ci. Cun a kya hleih Khanpughi ah chü ng’ngaih vai cuh mi ng’tha nak vai among lah a ng’vai gui na khawng mang k’chang gui cun phih mi ng’ngaih thei vai ah hlü ciah ni bä nak gui mi shang ko.

Avan Khanpughi noh ning om püi gui neh ni ng’thei m’hta gui hlä.