Daily Reflection – A htük nak kyünhloi vai kyün hngüp ng’thu k’ni
******************************************************************************************************************************************************************************
Deuteronomy 26: 4-10, Roma 10: 8- 13, luka 4:1-13
Tuhngoi a htük pi ah ng’thu k’ni ung mi ng’yak nak ung Israel pakkhui k’chang gui Egypt khaw ah a mi ng’hloh yah ung cäi cat vai ah k’pyong nak lah a cun ah khaw ah khan ah Khanpughü no a peit ah letsawng cu shüm ba ne Khanpughü ah ni bä nak gui shüm ba Khanpughü m’tam m’khah vai ci cu mi ng’yak ciah kya ci.
A hngih nak ng’yak vai ah mong ung mi mi gui ah phon nak vai cu bi k’tha na ne mi bi loh nak ung mi gah khai ah kä kya ne Khanpughü mi m’lung kyawng ka no khäng htek khai ah mi yum nak ung ka no k’phyon nak mi gha khai ci cu mi ng’yak ci.
Gospel ng’thu k’ni ung ng’yak nak ung mi k’mi gui cu mi ghinlu ung Khanpughü yumäp ne khawnget ah toktap nak gui lam ah kä läk ein vai ah mi k’tha nak vai hlü ci. Boi Yesu hngo khawnget no toktap hnging ciah ah a kya ung mi k’mi katmah k’chang gui cu Khanpughü khäng htek hleih kä mi ng’yung nak ung khawnget no na m’chüt gui khai ah kya ci. Khaw ng’nget ah na toktap gui cu kat nak ah kä kya ci. Toktap nak ung ng’pong tu cu kat nak ah kya hleih kat nak lam na m’shüm ciah kya ci. Toktap nak cu khaw ng’nget ung ka no lo ciah kya ci. A cun ah toktap nak cu Khanpughü Khanpughü lam na k’phloi be ci ah kya ci. Tuhchü chünhloi yah lent hngün bäng ung kä kya hleih mi ghinlu pum cu a cun ah toktap nak gui mi m’chüt ng’näng vai mi k’tha nak vai hlü ci. Boi Jesu ah yaica buiawt nak, shi nak lah a ghin lo ba nak ung mi mi gui cun phih khin hleih mi nng’hton tu hnging vai ah mi k’tha nak vai hlü ci.
Tihngoi ng’yak ah mong gui a van teng ah a kya ung Khanpughü yum nak ung käng htek hleih mi ghinlu a däih mi k’tha nak ung mi yaica buiawt gui phlän ne khanpughü no a na peit gui ah k’tha gui awn yeikyai ne mi om hnging khai ci cu tuhngoi mi ng’ yak ciah kya ci.
