A k’chüt vei nak kyün hngü ung ng’ yak vai mong (Luka 6: 39-45)

39 A vai hlǜ ah pyéin tu ba ne a mik mdah no a mik mdah am lam mshǜǜm hnging ci ang. Ani ni khngih khùimghok ung lut khai goi ah kä kya ci ang.

40 Ngthei ci cu mthei ci ah tah kä bä̀ tu ba màn ci. Ngthei ci cu mthei ci on a täng hnging ungta bä̀ púi khai.

41 Na phä́i nà ah mik ung bìkboi hngu láng ne namät ah mik ung shingtón kä na hngu ci ang.

42 Namät ah mik ung shingtón púm kä hngu mih ne a ihokchà ah na phä́inà am ‘Na mik ung bìkboi ning khleh tu pe kóng,’ ci ne na pyéin ci ang. Nang vekha kchààng namät ah mik ungka shingtón khlet cang neta na phä́inà ah mik ungka bìkboi na khlehnák péit vai na hngu thei khai.

43 A i ah kya hleih cii ung kä ni ci ah ngtheih, ngtheih ci cu ni ca ghǘng ah kä kya ci. Ni ca ngtheih ngtheih ca ghǘng cun phih she ca kä kya ci.

44 A i ah kya hleih cii ung a ghǘng cu a ktheih on hmat ah kya ci. Nghlìng ghǘng ung kthei kä chán màn. Bunghngù kbup ung phih càpyìt ktheih kä chán.

45 Ni ci no amät ah mlùng mkyǘm ungka a kní gùi kplok ba ci. Kä ni ci ah kchààng no phih kä ni ca mkyǘm ungka kä ni ci kplok ci. A i ah kya hleih cii ung a mlùng ung bé ci cu a mgòng no pyéin ci.