February k’cha a hngüp m’kulei kchüh hngüp ung ng’yak vai mong (Marku 9: 42-50)

42 Kei na yùm ca shin ah a khmó htá gùi ungka tumat kù katpüi ci cu a gon ung gòtlung bat ne tuinú ung shúm èin ung ni tu ba khai.

43 Na kut no a ning kat hlak ung tupit ä. Kyä kä ngkyǜǜm hleih ghünnák ung luh cu mhtèi mei ung kut ngkyǜǜm ah hteih ah tah ni tu ba ci.

44 Cu yah ah ngami ah mkyǘt phih kä shì khai, mei phih kä shì khai.

45 Na kho no a ning kat hlak ung, tupit ä. Ngdääk ne ghünkhò ngdäih ah hteih cu kä shì hnging ca mhtèi mei ung kho ngkyǜǜm ah gok ah tah ni tu ba ci.

46 Cu yah ah mkyǘt phih kä shì khai. Mei phih kä shì khai.

47 Na mik no a ning kat hlak ung, kkoih èin ä. Mik-ùi vaang mdah hleih Kkhaanpùghǘ ah ghünkhò ah hteih cu mik-ui ngkyǜǜm ah mhtèi mei ung luh ah tah ni tu ba ci.

48 Cu yah ah ngami ah mkyǘt phih kä shì khai. Mei phih kä shì khai.

49 A i ah kya hleih cii ung, ngthaanák cu mshi on htíthéing khai ah cii ah hlo ah kchààng pä̀ä̀ng cu mei on mhtímthéing ah kya lo khai.

50 Mshi cu tùi ne ni ci. Mshi cu kä a tui ung, a i on kcoon vai ang. Nangmi cu mshi ah tùi vä. Dììmkyäpnák cu nami kkyòòng ah om khai ah ci vä.