February k’cha a hngüp mkulei khma hngüp ng’yak vai mong

Cu yah aka lut lo ne Galilee khò ah hteit ci gùi. A u no phih a hmat vai kä ngyahlǜ ci.

31 Cun tu paang ah phih a hluläk gùi cu mthei gùi ne shin ah pyéin ci. “Kchààng ah htá cu kchààng gùi ah kut ung àp u hleih ngami no ani cu ngón khai gùi. Ami ngón kòn ah a kthum khngǘp ung ghǜng lo ba khai.”

32 Cun ah kchü cu ngami no kä hmat ci gùi. Ami ngshi vai ah phih kyǜ ci gùi.

33 Caapernaum ah gok ci gùi. Im ah gok lo u chüta “Lam ah a i nami pyéin ci ang” ci ne ngshi gùi ci.

34 Ngami cu kä kchǜ ci gùi. A i ah kya hleih cii ung amimät ung a u a bä̀ tu ba cu lam ah ngcuh ci gùi te.

35 Yèisu no phih ngò neta ghàleigoi chü gùi ne “Mà hlǜ ci cu avan ah hngú, avan ah phàn ah kchààng ah kya hlä,” ci ne ami van am pyéin ci.

36 A khmó htá la ne ami nglùng ah mdüih neta kpòm ne ngami am

37 “Shin ah hlo ah a khmó cu kei ah ngmìng on dò ci no kei mät na dò ci. Kei na dò ci no kei ah kä kya ci. Kei na tǜi lo ci mät dò ci” ce pyéin ci.