Tuhngawi (Sunday) Kyün k’hngüp ung ng’yaak vai ah ng’thuni. (Luke- 6:27- 38)…Khìgà mhni vai ah mòòng.(Mt 5:38-48; 7:1-2)
27 Cun tu paang ah phih ka kchü nami ngngài ca nangmi am ka pyéin cu Nami khìgà gùi mhni vä. Ning ú gùi ci am a kní vai ciipe gùi vä. 28 Ning plah-tang gùi ci gùi kah vai a kní ah ktàigǘpe gùi vä. Hle ne nami ngmìng mshéit ci gùi kah vai ktàigǘ vä. 29 Nami ngbèing vaang ning kbeh gùi ci am vaang täng phih cun ba vä. Nami ngvaih ning lákpe gùi ci am nami khtù phih kä mchoh èin vä. 30 Ning shààng gùi ci am pe vä. Nami khoh ning gut gùi ci ah kä nami shaan èin ba vai. 31 Nangmi am ami ning ci péit gùi vai nami ngyákhlǜ ah hlo ah ngami am phih ciipe gùi vä. 32 Ning mhni gùi ci bäng nami mhni ung a i niibä̀nák om khai ang. Kat bi ci ah kchààng gùi hngo no mhni gùi ci cun tah mhni tu ba ci gùi. 33 Ning niinák gùi ci bäng nami niinák ung nangmi ung a i niibä̀nák om khai ang. Kchààng katmah gùi hngo no a cun còta ci ci gùi ah mo. 34 Ning thúng ba gùi khai ah ääp ne nami kpu gùi ung nangmi ah phäh ah i ah nghmat khai ang. A Cu kchǜ mät ah ami thúng ba vai còta kchààng katmah gùi hngo no a cu kchààng katmah gùi am kpu tu ci gùi ah kä kya ci ang. 35 Nangmi lä́i no nami gà gùi mhni vä. A kní vai ciipe gùi vä. A i kä ääp èin ne kpu tu vä. Nangmi kah vai bä̀ khai néi. Hlǘng píkbäih ca htá ah nami kya khai. Ani cu kä shǜǜmhmat ne she ci gùi am a kní vai ciipe gùi ci.Kchǜmgein ngkháinglàngnák(Mt 7:1-5)36 Cun ah kya hleih nami Pá Kkhaanpùghǘ no a ning mgein gùi ah hlo ah mgein tu thei vä. 37 Kat kbǘn ne kä mchamlàng èin vä. Cun ah nami cii ung nangmi am phih kä ning kbǘn gùi khai gùi. Kchààng kä mdí èin vä. Cun ah nami ci ung nangmi phih kä ning mdí gùi khai gùi. Mgein thei vä. Ning mgein gùi khai gùi néi. 38 Peta tu vä. Ning pe tu ba gùi khai gùi néi. Nangmi kah vai a kní ah det ne khngüün ne pleip khai ah khmüt ne ning pe lo gùi khai gùi. A i ah kya hleih cii ung a hngei gùi kah vai ah nami nä̀ä̀n ah hlo ah nangmi kah vai phih ci tu ba khai gùi.#RVA – K’Cho Service #sunday #gospel #TheWordOfGod
