Kchààng ngnòng no Yèisu läk ci gùi.
Luke – 6:17, 20- 26.
Kchààng ngnòng no Yèisu läk ci gùi.
(Mt 4:23-25)
17 Ngami on a kòng-ät ah Yèisu kyum tu ne a dónák ung ngdǘi ci. A hluläk ngbuum gùi ni, Judea khò púm ungka ni, Jerusalem gò ungka ni, pinle kkàm pèi Tyre lah Sidon gò ungka gùi a kdá om ci gùi.
Bä̀ ci lah she ci mcha ne a pyéin
(Mt 5:1-12)
20 Cun kòn ah Yèisu no a hluläk gùi teng gùi ne a pyéin cu nami dúdòòng ci gùi cu nami bä̀ ci. A i ah kya hleih cii ung Kkhaanpùghǘ ah ghünkhò cu nangmi ah khò ah kya ci. 21 Tuhbäih nami cói ci ah nangmi nami bä̀ ci. A i ah kya hleih cii ung nangmi cu nami phǘ lo khai. Tuhchǜ kyap ci ah nangmi nami bä̀ ci. A i ah kya hleih cii ung nangmi cu nami gaih lo khai. 22 Kchààng gùi no kchààng ah htá ah phäh ah ning ú gùi ne ning mcha gùi ne ning hlühläih gùi ne nami she ci vai hlǜ ah ami ning ktä́m lo gùi ung, nami bä̀ khai néi. 23 Cun yah ung yèikyài vä. Nangmi kah vai cu Kkhaanmòpí ah bä̀ ci néi. A i ah kya hleih cii ung, ami pùghǘpá gùi no kcengshä̀ gùi a cun ah vah ci màn ci gùi.
24 Cun tu paang ah phih nangmi nami gah màn ci nami dí lo khai néi. A i ah kya hleih cii ung nangmi cu yèikyàinák nami gah pyi ci. 25 Nangmi nami phǘ ci gùi nami dí lo khai néi. A i ah kya hleih cii ung nangmi cu nami cói lo khai ah kya ci. Nangmi nami kchǜgaih ci gùi nami dí lo khai néi. A i ah kya hleih cii ung, thǜi ne kyap ne nami kya lo khai ah kya ci. 26 Nangmi kchààng ah ning mtaam gùi. Nami dí lo khai néi. A i ah kya hleih cii ung, ami pùghǘpá gùi no kcengshä̀ ngshéi gùi a cun ah ci màn ci gùi.
