February k’cha a ghaleigoi hngüp ung ng’yak vai mong (7:14-23)
14 Cun kòn ah kchààng ngbuum gùi cu chü ba gùi ne ngami am a pyéin cu “Nami om ci phùng no na ngngài ne hmat vä. 15 Kchààng ah kpùùng aka a kkyòòng ah lut ne kchààng shéitkat hlak khai kä om ci. Kchààng ungka lut lo ci bäng no vah kchààng shéitkat hlak ci. 16 A ngyáknák vai a khngà om ci no ngya hlä.” 17 Kchààng ngbuum gùi ah mà akano im kkyòòng ah lut ba hleih a hluläk gùi no mtùmtängnák ah mòòng cu ngshi ba ci gùi. 18 Ngami am a pyéin ne “Nangmi phih shin hlòk ah a i phih kä nami hmat ci ang. A kpùùng aka kchààng ah kkyòòng ah lut ci phùng no ani kä shéitkat hlak ci cu kä nami hmat ci ang. 19 A i ah kya hleih cii ung a kpùùng aka a mlùng kkyòòng ah kä yu lut ne a poi ung gok ne ngtä̀i lo ba ci. 20 Kchààng ungka lut lo ci gùi lä́i cun no kchààng shéitkat hlak ci,” ci ne ngami am a pyéin. 21 A i ah kya hleih cii ung kchààng ah mlùng kkyòòng aka kä ni ci ah ngngaih-tüh, ami kchúhtá plohkheihnák, plet, kchààng ngón, 22 khoh-tang mgúk, ng’umngtak, pó kkàlunák, hlehlak, kä ni ci ngngaih-tüh, vaamneeng, Kkhaanpùghǘ a i ah kä hluitä, mlùng mdäm, làk-ä̀nák, 23 cun ah kä ni ci gùi phùng cu a kkyòòng aka lut lo ne kchààng shéitkat hlak ci. A i ah kya hleih cii ung ngami no kchààng ah biloh hloihlak gùi cu Kkhaanpùghǘ ah biloh vai hlǜ ah mtheimtháng ci gùi.
K’chang ah m’lung kyong ung ka no lut lo ciah kä ni ciah m’lung ngaih gui no k’chang sheitkat hlak ci ah kya hleih k’chang shing päng no mät phäh phäh ah m’lung ngaih gui ni khai ah pyantham vai hlü ciah ah kya ci.
