February a hngüp ghaa hngüp ng’ yak vai mong

53 Vaang kkàm Gennesaret khò ah gok lo u ne nghlekko mdǘm ci gùi. 54 Nghlekko ungka kyum lo u hleih kchààng gùi no Yèisu cu a ktén ah hmat lo u ne 55 a cun ah khò púm ah hteit ghüighüi ne kä gái ci gùi cu ami ihnák mah ah Yèisu om ci cii ah ami ngyáknák ah lopüi ci gùi. 56 Gò nú, pìgò k’yo htá gùi ung lèng ne ani ah goknák phùng ah lam kyùm gùi ung a kgoi gùi thà gùi u ne a hlui mdóng htá dǘt ami tòòn tu vai ah nghuina ci gùi. Tòn ci gùi phùng cu gái ba ci gùi.

Khanpughü ah tüi pyan nak cu cä kya ci gui ci düt ah kä ng’ngai ein ne tugüt ah chüt hleih a shun (process) om ci ci cu mi hmat vai cu tuh ngoi ming ng’yak ah kya ci. Khanpughü ah tüi pyan nak cu a däih ah om ciah kya ci. Tüi pyan k’chang ah kya ciah mi mi gui cun phih Khanpughü ah tüipyan nak ung ng’hton tu ne mi gunghtot tu vai ah kya ci. Khanpughü ah tüipyan nak cu a k’ni ah mi hmat vai hlü ci ci cu tuh ngoi mi ng’ yak ciah kya ci.