February k’cha a hngüp (8) hngüp ng’yak vai mong

30 A hluläk ngshä̀ gùi cu Yèisu ah ngbuum lo u ne ami bi gùi lah ami mthei gùi ah mòòng cu mthein tu ci gùi. 31 Bói no phih “Hlatai ah a dǜmnák ah a shä̀ng ngdǘm vä,” ci ne ngami am pyéin ci. A i ah kya hleih cii ung hteithtoon ci gùi dá ci gùi ah kya hleih ei hngo kä èi hlot ci gùi. 32 Ngami cun phih nghlekko on hteit neta hlatai ah a dǜmnák ah hteit ci gùi. 33 Ngami ah hteih cu vaang kkàm täng ah om ca kchààng gùi no hngu ne ami hteihnák vai phih hmat u ne cun ah pìgò gùi ungka kchààng gùi cu dóng u ne a na gok mà ci gùi. 34 Yèisu cu kkàm ah a gok lo hlu am kchààng a kdá ngbuum u hleih hngu gùi ne htòkshä́m kä om ca htò gùi vai hlǜ ah kya u hleih kchǜkhngà gùi ne ngami am a mòòng a kdá lèng ne mthei lo gùi ngtüi ci.

Mät ah ei ok htung mang vai ci ne Khanpughü kä ng’yung na ne mät ah bi loh gui awn a hngüp täi hleih totlo a kia ung a cun ah bi loh gui kä nghloi ng’hlak lo ung k’chang ah kyähla phih kyai ng’mü m’cha lam ah phih khai k’tha gen lo khai kya ci cu shin ah ng’thu ni ung mi ng’yak ci. Khanpughü ah mong lam thähla ne lo ba ci gui ah a hluläk k’chang gui am k’chang gui kä mi om nak ah hlatai a k’dup nak ah a shäng a hteh hlak gui cu mi ng’yak ci. A i kya hleih ci ung Khanpughü a ma ah a diimkyäp hta ah k’thagui k’thai la ba ne a mi om nak ba hnging vai phäh ah kya ci.