Papa Shangpughang no 2025 World Mission day ah phäh ah a pyein a mong

Papa Shangpughang no 2025 World Mission day ah phäh ah k’chü a cü nak ung ng’ngaih u nak ah mei a däih ah a ghin vai cu a k’tung pi ah kya ci ci ne Khanpughü ah mong lam bi lo ne thähla ci gui am pyein ciah kya ci. K’tai gü nak bäng a k’tung pi ah khanpughü ah mong lam bi ah kä kya ci. Mät ah k’kyawng ah Khanpughü no a na m’dei peit gui ah ng’ngaih u nak ah mei a däih ah a ghin vai cu a k’tung pi ah kya ci ne “k’chang a van ung ng’ngaih u nak om ciah Khanpughü ah mong lam bi ci gui ah kk’chang gui” ci ah k’chü m’kha cu a gü ah kya ci.

Christian k’chang tumat hti lah Christian yumtu k’bum am Boi Yesu ah kho hngün cu mi läk tu hnging vai hlü ci ci ne pyein ci. Boi Yesu ah kho hngün läk tu hnging vai ma ne ng’ngahtüh ne Khanpughü cu mi mi gui am ghin ne om hnging vai ah a hoiphih, a i yah ung phih Khanpughü no a na peit gui ah Boi Yesu ah kho hngün cu mi läk hnging vai hlü ci ci ne pyein ci. Boi Jesu ah hngu läk yah ung, Christian k’chang gui cu a mi hnguh ah k’chang gui am Khanpughü lam yum nak ah m’hteng ciah ghinlu a mong a mi m’thein tu nak awn Khanpughü ah ng’thu ni gui cu ng’do ne thähla  hnging ci gui ah kya ci ne Papa Shangpughang no pyein ci.