February a hngüp k’hma nak hngüp ng’yak vai a mong (6: 1-6)

1 A cun ungkano a khò ah hteit ba hleih a hluläk gùi no a hngú ah läk ci gùi. 2 Kyǘn khngǘp lèng ne cagàt ung mthei gùi ci. A kdá no phih ngya u ne Yèisu ah kchü cu a kya ah yùm ngak u ne “Shin ah kchààng no shin gùi phùng cu a hoi aka a gah ang. Ani ah hnguhhmat lam cu a hoi aka mä. A kut on a bi ah shin ah aa gùi cu a hoi aka ang. 3 Ani cu Maria ah htá, coh-ngphlài kchààng, Jacob, Joseph, Judas, Simon ni ah ami phä́i ah kä kya ci ang. A bè gùi cu a shì yah ah mihmi on om tu ci gùi ah kä kya ci ang” ci ne pyéin u ne ani cu kä ngngài ci gùi. 4 Yèisu no phih “Kcengshä̀ tumat cu amät ah pìgò, amät ah im, amät ah khò kchààng ah omnák bäng ah vah i ah phih kä hluitä ne kya ci gùi,” ci ne ngami am pyéin ci. 5 Gòpyàm ci gùi a pí ah kkhaan ah a kut taih ne mgái ba gùi ci. Cu yah ah a hngei aa a i phih kä mdáng ci. 6 Ngami ung yùmnák kä a om ah phäh ah cä́i ci. A pèi yung ah om ca pìgò k’yo kdäm gùi ah hteit ne mthei ci.

(Rejection) ciah maa nak cu ng’thu ni a van ung a tung pi ah om hleih hnguh ah kya ci. K’chang gui no khanpughü maak ci gui. A cun ah maa nak cu shing m’kang tung khan ah chüt hleih a k’hlüng pi ah gok ciah kya ci. K’chang a daa no Khanpughü nga mi ah ghinlu ung ka no a päng ah chüt hlei a maa ci gui ci cu mi hnguh ciah ah kya ci. Vang ah teng ung Khanpughü cu k’chang gui no a mi maa hlok ah a van a m’hngi nak awn a do cun phih mi hnguh ciah kya ci. Khanpughü cu kat nak awn be ciah k’chang gui a van a täng täng ah m’hngi ne a shi m’hloi ne shing m’kang khan ah no a na shi peit gui, kat nak ung ka no a na phyon gui cu teng ah a kya ung kat k’chang gui ah shetkat gui lah Boi ah k’chü m’gein nak cu ng’dang ciah kya ci.