Bä ciah Blaisé ah ghinlu a mong (February 3)

A gon m’neh ci gui ah k’chang gui ghung m’htei gui ciah bä ciah Blaisé cu Christu kum 280 yah ung Amenia ( Mordern Turkey) ung om ciah ng’büh ng’mang be bä caih NuPa ung ka no ng’tüi om lo ciah kya ci. Christian gui ah ng’thei ng’thang gui a van a k’ni ah a ng’thei ng’thang tu kon ah Sayavon tumat ah kya lo ci. A cun kon ah Taigü Boi ah kya nak ci tu ne, a cun ung ka no Amenia khaw ung om ciah Senaste maanggo ung Taigü Mang ah kya lo ci. Licinus shangpughang a mang yah ung Christian gui yok’ka na gui hleih, ngetngong ci gui ah  k’chihla gui ah om nak ah kuu ung dong ne ng’thup hlei chihla k’shui gui no nguh u ne bä ciah Blaise cu pha ne ta Amenia ung om ciah hluki a mi htak vai ah a mi khapüi nak ah lam ung ngaguh  aak ne shi lo hlü ciah a hmohta cu a ni ah a mi khalopüi ah kya ci. Bä ciah Blaise noh a hmo hta ka vai ah k’taigü pe ne ci hleih a hmo hta cu gai ba ciah kya ci. A ni cu a kyä dukdei k’yokha na u neta a luk’khe m’chümpit ne a mi ngon ah kya ci. A ni cu gon awn seng ciah m’neh nak ung u pa ah bä ciah k’chang tumat ah kya hleih Bä ciah Blaise ah poi a gok lo ba täi hleih yumtu k’chang gui ah gon cu kawngki peit püi ah phayongtaing awn A Pa ni, a Hta ni, Htitheing ciah Muh Khanpughü ah m’ming ng’ming pha ne ng’taigü ah kya ci.